اسلام آباد۔ 22اپریل (اے پی پی) وزیراعظم عمران خان تون چیئرمین پشاور زلمی جاوید آفریدی اوڑدہی کرے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی جاوید آفریدی نا کنڈآن کوروناوائرس ناساڑی آ حالیت آتے ٹی کاروباری برادری ءِ مون تروک ویل و صنعتی عمل ءِ رواں تخنگ نا بابت چندی سلاہ تے وزیراعظم ءِ پیش کننگا۔ وزیراعظم عمران خان پارے کہ حکومت نا کنڈآن ہراصنعتی سرجزآتا موکل تننگانے اوفتا بابت جامع ایس اوپیز اس جوڑ کننگانے۔ ایس اوپیز آ عملدرآمد ءِ پک کننگ حکومت و صنعت کار آتا اسیجا زمواری ءِ ۔ ہراڑے اسہ کنڈ کوروناوائرس نا توننگ کن گام گیج کننگے ہموڑے رکھی گام گیج اختیار کرسا گمانی حد اسکان صنعتی عمل و کاروباری سرجز آتا روانی ءِ پک کننگ نا ءِ تانکہ مزور و سفید پوش الس نا زرگزرانی مشکل آتے ٹی کمتی برے۔ دا بابت حکمت عملی نا پدریسہ جاچ ءِ ہلنگ انگ ءِ تانکہ حالیت و واقعہ غاتارداٹ لائحہ عمل اس ترتیب تننگے۔ داوخت آ جاوید آفریدی پارے کہ ہائیر پاکستان و زلمی فاؤنڈیشن زوت ایلو مرحلہ ٹی کوروناوائرس ریلیف فنڈ و کمکی سرجز آتے ٹی کمک کیرہ۔
