ترکی ءِ پاکستان ڈاکٹر آنی واستہ رکھینگی سامان ءِ کمک، ترکش ائیر لائن ءِ جہاز سامان ءَ زوران ءَ اسلام آباد ءَ پج ات، ترجمان این ڈی ایم اے

اسلام آباد ۔ 22 اپریل (اے پی پی) ترکی ءِ نیمگ ءَ پاکستانی ڈاکٹرر آنی واستہ رکھینگی سامان ءِ کمک دیگ بوت۔ ترکش ائیر لائن ءِ جہاز چار شمبے ءِ سہب ءَ سامان ءَ زوران ءَ اسلام آباد ءَ پج ات۔ این ڈی ایم اے ءِ ترجمان ءِ رد ءَ ترکش قونصلیٹ ءِ ڈپٹی ہیڈ آف مشن ءَ اے سامان این ڈی ایم اے ءِ ڈپٹی چیئرمین ءِ ھوالگ ءَ کت انت۔ ترکی ءِ نیمگ ءَ کمک رستگیں سامان آنی تہ ءَ 20 ہزار این- 95 ماسک ءُ 18 ہزار 500 رکھینگی پوشاک ھوار انت۔