مزن وزیر عمران خان ءَ گوں سینیٹ فیصل جاوید ءِ گند ءُ نند ، کورونا ریلیف فنڈ ءِ بابت ءَ (مرچی) بوھوکیں ٹیلی تھون مراگش ءَ ھیال ریچی

اسلام آباد ۔ 22 اپریل (اے پی پی) مزن وزیر عمران خان ءَ گوں پاکستان تحریک انصاف ءِ سروک ءُ سینیٹ ءِ قائمہ کمیٹی برائے اھوالکاری ءُ شنگ کاری ءِ چیئرمین سینیٹر فیصل جاوید ءَ چار شمبے ءِ روچ ءَ ادا گند ءُ نند کتت ایشی ءِ تہ ءَ کورونا ریلیف فنڈ ءِ ھوالگ ءَ مرچی (پنچ شمبے) ءِ روچ ءَ بوھوکیں ٹیلی تھون مراگش ءِ ھوالگ ءَ ھیال ریچی کنگ بوت۔ چار شمبے ءِ روچ ءَ مزن وزیر کارگس ءَ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ گوشت کہ مزن وزیر ءَ را گوشت کہ سرکاری ءُ جتا جتائیں جندی چینلز آنی نیمگ ءَ پنچ شمبے ءِ روچ ءَ برجم بوھوکیں فنڈ ریزنگ ءِ ھوالگ ءَ ملکی راجدپتر ءِ درستاں چہ مستریں ءُ جوانیں ٹیلی تھون مراگش بیت ایشی ءِ بدولت ءَ ملک ءِ اندر ءُ ڈن ملک ءَ نندوکیں پاکستانی مشکلیں اے ساھت ءَ وتی وطنی مردم آنی کمک ءَ کت بکن انت۔ ایشی ءَ ھوار توامیں ٹیلی کام کمپنی آنی نیمگ ءَ سبزکرائیبر آناں ایش آسراتی پجاری کنگ بوھگ ءَ انت کہ آ 6677 ءِ سر ءَ میسج بکن انت ءُ کورونا ریلیف فنڈ ءَ وتی بھر ءَ مان کت بکن انت۔ مزن وزیر ءَ ٹیلی تھون ءِ برجائی ءَ را ساڑات ءُ گوشت کہ پاکستانی راج ءَ ھمک ساھت ءَ گوں جوانی ءَ دیم پہ دیمی کتگ۔ مشکلیں وھد ءَ پاکستانی الس آں وتی برات آناں گوں پچیں دل ءَ کمک کتگ۔ آئی ءَ گوشت کہ کورونا ریلیف فنڈ ءِ ھوالگ ءَ سیر لاپیں مردم آنی نیمگ ءَ انوگ ءَ تاں دیم ءَ آیوکیں جوزگ سک باز دلبڈی انت۔ مزن وزیر ءَ امیت سہرا کت کہ سرجمیں راج اے مشن ءَ را کامیات جوڑ کن انت۔