مزن وزیر عمران خان ءَ گوں راجی اسمبلی ءِ باسک جنید اکبرر ءُ صالح محمد ءِ گند ءُ نند

وتی وتی دمگ آنی تہ ءَ کورونا وائرس ءِ ھوپ ءِ جاور آنی بابت ءَ سرپد کت
اسلام آباد ۔ 22 اپریل (اے پی پی) مزن وزیر عمران خان ءَ گوں راجی اسمبلی ءِ باسک جنید اکبر ءُ صالح محمد ءَ گند ءُ نند کت۔ چار شمبے ءِ روچ ءَ مزن وزیر کارگس ءِ نیمگ ءَ جاڑی بوتگیں بیان ءِ رد ءَ راجی اسمبلی ءِ باسک ءَ مزن وزیر ءَ را وتی وتی دمگ آنی تہ ءَ کورونا وائرس ءِ ھوپ ءِ جاور ھال آنی بابت ءَ سرپد کت۔ گند ءُ نند ءِ تہ ءَ دمگ ءِ استیں جاور ھال ءُ السی جیڈھ آنی سر ءَ ھیال ریچی کنگ بوت۔ راجی اسمبلی ءِ باسک آں کورنا وائرس ءِ ھوپ ءِ جاور ھال آنی تہ ءَ احساس ایمرجنسی کیش پروگرام ءِ چیر دستی ءَ ھمزوریں تبک ءِ مردم آناں ریلیف ءُ مالی کمک پجاری کنگ ءِ حکومتی پیسلہ ءَ را ساڑات ۔ مزن وزیر ءَ ممبر راجی اسمبلی ءَ را پنت ءُ شون کت کہ آ مشکلیں اے ساھت ءَ وتی وتی دمگ آنی الس آناں ریلیف پجاری کنگ ءَ برجمیں کرد پیلو بکن انت۔