اسلام آباد ۔ 22 اپریل (اے پی پی) پاکستان ریلوے ءَ سٹیزن پورٹل (پی سی پی) ءِ وسیلگ ءَ رستگیں 26 ہزار 455 شکاست آنی تہ ءَ 25 ہزار 980 ءَ چہ گیش شکاست آناں کامیاتی ءَ گوں گیوار کنگ بوتگ۔ چار شمبے ءَ وزارت ءِ ریلوے ءِ سرکاری ھال رسانکی در ءَ اے پی پی ءَ را گوشت کہ 402 نوکیں شکاست رستگ ءُ ایشانی تہ ءَ 83 شکاست گیوار کنگ ءِ واستہ کالر جاڑی انت۔ ھال رسانکی در ءَ گوشت کہ بنجاھی وزیر ریلوے شیخ رشید احمد ءَ اپسرگ آناں پنت ءُ شون کت کہ آ وزارت ءُ ایشی ءِ چیر دستیں کارگس آنی ھلاپ ءَ شکاست آناں پورٹل ءِ سر ءَ درج کنگ ءَ زوتاں پدد اول سرئی بنیات آنی پد ءَ گیوار کنگ بہ بیت۔ یک جستے ءِ پسو ءَ آئی ءَ گوشت کہ مالی سال 2018-2019 ءِ پاکستان ریلوے ءِ کھاتہ آناں بند کنان ءَ آڈٹ ءِ واستہ پیش کنگ بوتگ۔ ھال رسانکی در آں گوشت کہ پاکستان ریلوے ءَ وتی مالی بستار ءَ را گہتر جوڑ کنگ ءِ واستہ بازیں گامگیج چست کتگ ءُ 24 نوکیں ٹرین بندات کتگ۔
