اسلام آباد۔ 21 اپریل (اے پی پی) بنجاھی وزیر ریلوے شیخ رشید احمد ءَ گوشت کہ پاکستان ءَ کورونا وائرس ءِ سرجمیں رنگ ءَ کنٹرول انت ءُ ملک یکوئی ءِ وسیلگ ءَ میاں اوستمانی ھوپ ءَ را ڈگار جنت، سئے شمبے ءِ روچ ءَ جندی ٹی وی چینل ءَ گوں تران کنان ءَ کت آئی ءَ گوشت کیہ مزن وزیر عمران خان ءِ سروکی ءَ حکومت ءَ شہری مردم آنی زندمان ءِ رکھینگ ءِ واستہ ھمک رنگیں گامگیج کنگ ءَ انت۔ ما کرونا ءِ ھلاپ ءَ جنگ ءَ یکوئی ءُ یک مشتی ءَ گوں باج براں۔ آئی ءَ گوشت کہ لاک ڈائون ءَ چہ آماچیں مردم آنی کمک کنگ حکومت ءِ اولی ترجی داتگیں کار انت۔ آئی ءَ گوشت کہ دیمروئی کنوکیں ملک آناں ایوک ءَ کورونا ءِ جیڈھ انت وھدیکہ پاکستان ءَ را وتی معاشی برجائی ءِ گوما میاں اوستمانی ھوپ ءِ ھلاسی کنگ انت۔ یک جستے ءِ پسو ءَ وزیر ءِ ریلوے ءَ گوشت کہ 34 ٹرین سفر ءِ واستہ تیار اوشتاتگ انت بلے مارا لاک ڈائون ءِ تہ ءَ نرمی ءِ ودار انت۔
