اسلام آباد۔ 21 اپریل (اے پی پی) مزن وزیر ءِ ھاسیں کمکار برائے کیاسگری شہزاد اکبر ءَ جوانیں پالیشی آنی وسیلگ ءَ ملک ءِ فوڈ سیکورٹی ءَ را دل یکیمی کنگ ءِ واستہ حکومت ءِ جزم ءِ درشان کتگ۔ سئے شمبے ءِ روچ ءَ جندی ٹی وی چینل ءَ گوں تران کنان ءَ گوشت کہ وردن ءُ وراک ءِ رکھینگ ءَ را دل یکیمی جوڑ کنگ ءِ واستہ کشت ءُ کشاری شوبگ ءِ واستہ جتا جتائیں آسراتی پجاری کتگ۔ آئی ءَ گوشت کہ حکومت ءِ اول سرئی کار لوٹ ءُ رسگ ءِ درنیام ءَ گہتری آرگ ، ھمک مردم ءِ ورن ءُ وراک ءِ پجاری ءَ را دلجمی کنگ انت۔ شہزاد اکبر ءَ گوشت کہ پی ٹی آئی حکومت ءَ توامیں صوبگ آنی کمک ءَ فوڈ سیکورٹی ءِ سیم سر آناں در جنگ واھشت داشتگ۔ آئی ءَ گوشت کہ گندم ءِ وھد ء موہ ءِ سر ءَ بھا زوری ءُ ایشی ءِرکھینگ صوبائی محکمہ ءِ ورن ءُ وراک ءِ اول سرئی زمہ واری انت ءُ اے رد ءَ اچ رنگیں کوتاہی سگگ ءُ اوپار کنگ نہ بیت۔
