اسلام آباد۔ 21 اپریل (اے پی پی) مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ وزارت ءِ جان سلامتی ءَ ہیلتھ سچوایشن روم ءِ سئے شمبے ءِ روچ ءَ بنگیج کت۔ اے موہ ءِ سر ءَ پاکستان ءَ میاں اوستمانی ادارگ جان سلامتی پاکستان ءِ نماھندگ ڈاکٹر پلیتھا ماہی پالا ھم ساڑی ات۔ سچوایشن روم ءِ میاں اوستمانی ادارگ ءِ جان سلامتی ءِ کمک ءَ جوڑ کنگ بوتگ۔ میاں اوستمانی ادارگ ءِ جان سلامتی ءِ پاکستان ءِ جان سلامتی ءِ شوبگ ءَ جوانیں ازمت انت۔ ہیلتھ سچوایشن روم ءَ را نوکیں ٹیکنالوجی ءَ گوں سمبھینگ بوتگ۔ ادا ویڈیوز لنک ءِ وسیلگ ءَمیٹینگز آنی بنگیج ءُ بست ءُ بند کنگ بوت۔ اے ساھت ءَ تران کنان ءَ مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ گوشت کہ جان سلامتی ءِ ھوالگ ءَ ھمک راستیں مالومداری جوانیں وسیلگ ات۔ جان سلامتی ءِ شوبگ ءَ ٹوھیں رد ءَ گہتری کار کنگ بوھگ ءَ انت۔ آئی ءَ گوشت کہ مزن وزیر ءِ نزدیک ءَ جان سلامتی ءِ شوبگ ءَ اولی ترجی داتگیں کار ات۔
