پاکستانی راج ءَ ھمک مشکلیں ساھت ءُ وھد ءَ گوں دلیری ءَ دیم پہ دیمی کتگ، مشکلیں وھد ءَ راج ءِ ھمزوریں مردم آناں گوں پچیں دل ءَ کمک کتگ،
مزن وزیر عمران خان ءِ احساس راشن پورٹل ءِ یک شلی ءَ بنگیجی مراگش ءِ موہ ءَ ھیالانی درشانی
اسلام آباد۔ 21 اپریل (اے پی پی) مزن وزیر عمران خان ءَ گوشت کہ پاکستنای راج ءَ ھمک سکیں ساھت ءَ را گوں دلیری ءَ دیم پہ دیمی کتگ، مشکلیں وھد ءَ راجے سیر لاپیں مردم آں یک ءِ دومیگ ءَ گوں کمک کتگ، “احساس راشن پورٹل” سیر لاپیں مردم آنی کمک آناں بزگر آں تاں سر کنت ءُ راشن ءِ بھر ءُ بانگ ءَ سرجمیں رنگ ءَ ایشی ءِ کارپک ساپ ءُ سلہ ئی ءُ میرٹ ءِ بنیات ءَ کنگ ءَ ارزشتی ایں کرد ءِ پیلو کنت۔ اے ھیالانی درشانی آئی ءَ سئے شمبے ءِ روچ ءَ احساس راشن پورٹل ءِ یک شلی ءَ بنگیجی دیوان ءِ موہ ءَ کت۔ اے موہ ءِ سر ءَ مزن وزیر ءِ ھاسیں کمکار برائے چاگردی ءُ بزگری رکھینوک ڈاکٹر ثانیہ نشتر ءَ “احساس راشن” پورٹل ءِ بابت ءَ مزن وزیر ءَ را سرجمیں بریفنگ دات۔ ھاسیں کمکار ءَ گوشت کہ “احساس راشن پورٹل” سیر لاپیں مردم آنی گہبودی ادارگ ءُ گیر سرکاری ڈل آنی بزگر آناں کمک ءِ پجاری ءُ راشن ءِ پجاری ءَ کمکار سہرا بیت۔ راشن پورٹل احساس پالیشی فریم ورک ءِ کار رھبند آنی رد ءَ جوڑ کنگ بوتگ تانکہ ھمودا اے پلیٹ فارسم ڈونرز آناں بزگر آں تاں پجگ ءَ کمکار سہرا بیت۔ “احساس راشن پورٹل” ءِ چیر دستی ءَ اے گپ ءَ را دل یکیمی کنگ بہ بیت ککہ ڈونرز آنی نیمگ ءَ پجار کتگیں کمک ءُ راشن بزگر یں ھاندان آنی شدیکیں باسک آں تاں زوتی ءَ گوں پجگ بہ بیت ءُ اے نظام ءَ چہ سیت مند بوھوکیں مردم آنی مالوم داری ردئی ءَ گوں کارمرد بوت مکن انت۔ ” احساس راشن پورٹل” ءِ گوما راشن ءُ کمک ءِ بھر ءُ باند ءِ ھوالگ ءَ موبائل اپلیکیشن ءِ بنگیج آیوکیں دو روچ آنی اندر ءَ کنگ بیت۔ اے موہ ءِ سر ءَ مزن وزیر عمران خان ءَ ” احساس راشن پورٹل” ءِ بنگیج ءَ را ساڑات ۔ مزن وزیر ءَ گوشت کہ پاکستانای راج ءَ ھمک سکیں ساھت ءَ را گوں دلیری ءَ دیم پہ دیمی کتگ۔ مشکلیں وھد ءَ راجے است منیں مردم آں وتی بزگریں برات آناں جوانیں رنگ ءَ کمک کتگ۔ “احساس راشن پورٹل” سیر لاپیں مردم آناں بزگر آں تاں سر کنگ ءُ راشن ءِ بھر ءُ بانگ ءِ کار رپک ءَ را ساپ ءُ سلہ ئی ءِ بنیات ءَ مھکم کنگ ءَ ارزشتی ایں کرد ءِ پیلو کنت۔
