اسلام آباد۔ 21 اپریل (اے پی پی) مزن وزیر عمران خان ءَ گوشت کہ کورونا وائرس ءَ چہ پیداک بوھوکیں جاور ھال آنی رد ءَ مئے چیلنج دیمروئی کنوکیں ملک آں چہ گیشتر ءُ مستر انت، مارا وتی مردم آناں ھوپ ءِ گوما گریبی ءَ چہ رکھینگی انت ، راج کورونا ءَ را شکست دیگ ءِ واستہ یک مشت بہ بیت ءُ جنگ بکنت۔ اے ھیالانی درشانی آئی ءَ سئے شمبے ءِ روچ ءَ ادا کورونا ءِ جاور ھال ءُ ایشاں گوں گر ءُ چیلی ءِ واستہ حکومتی گامگیج آنی سر ءَ ھیالانی درشانی کنان ءَ کت۔ اے موہ ءِ سر ءَ بنجاھی وزیر اسد عمر، بنجاھی وزیر حماد اظہر ءُ ھاسیں کمکار ڈاکٹر ثانیہ نشتر ءُ معید یوسف ھم ساڑی اتنت۔ مزن وزیر عمران خان ءَ گوشت کہ یورپ ءُ امریکہ ءَ مرگ ءُ میران آنی کساس ہزارانی کساس انت بلے مئے چیلنج دیمروئی کنوکیں ملک آں چہ مستر ءُ گیشتر انت، مارا وتی مردم آناں کورونا ءِ گوما گریبی ءَ چہ رکھینگی انت۔ اے رد ءَ احساس راشن پورٹل” ءِ بنگیج کنگ بوتگ ایشی ءِ مول ءُ مراد گریبیں مردم آنی کمک کنگ انت۔ مزن وزیر ءَ گوشت کہ ٹائیگر فورس ءَ را ایراد گرگ بوھگ ءَ انت، ٹائیگر فورس الس ءِ کمک ءِ واستہ والنٹری کار کن انت۔ اے بابت ءَ حکومت توامیں آسراتی آناں کارمرد کنگ ءَ انت، راج کورونا ءَ را شکست دیگ ءِ واستہ یک مشت بہ بیت ءُ جنگ بکنت۔
