مقبوضہ کشمیر ءِ الس آں یک شلیں کمک ءُ یکوئی دارگ ءِ درشان ءِ پد ءَ شگر ءُ منت گپت
اسلام آباد۔ 21 اپریل (اے پی پی) آزات کشمیر ءِ صدر سردار مسعود خان ءَ صدر ءِ پاکستان ڈاکٹر عارف علوی ءِ نیمگ ءَ چہ آزاتی ءُ وت واجئی ءِ گرگ ءِ واستہ بے دروریں راجدپتری جہت ءُ کوشت کنوکیں مقبوضۃ کشمیر ءِ الس آں یک شلیں کمک ءُ یکوئی دارگ ءِ درشان ءِ دپ ءَ شگر ءُ منت گپت ءُ گوشت کہ ایشی ءَ چہ لائن آف کنٹرول ءِ دومی نیمگ ءَ یک ٹوھیں کلوہ ءِ شتگ ءُ ایشی ءَ چہ بھارتی ارد آنی ظلم ءِ سگوگیں کشمیری آںی دلبڈی بیت، آزات کشمیر ءِ حکومت ءَ بنجاھی حکومت ءِ جتا جتائیں ادرارگ ، نیشنل ڈیزاسٹر مینجمنٹ اتھارٹی، احساس پروگرام، نیشنل انسٹیٹیوٹ آد ہیلتھ ءُ وتی توکی آسراتی آں چہ کورونا وائرس ءِ ھوپ ءِ گر ءُ دار ءِ واستہ جوانیں گامگیج چست کنگ ءِ پد ءَ نتیجگ دیم ءَ پیداک انت۔ اے گپ آئی ءَ صدر ءِ پاکستان ڈاکٹر عارف علوی ءِ مظفر آباد ءِ تر ءُ تاب ءِ موہ ءَ آئی ءَ گوں گند ءُ نند ءِ ساھت ءَ تران کنان ءَ کت۔ صدر ءِ پاکستان ڈاکٹر عارف علوی صدر آزات کشمیر ءِ دعوت ءِ پد ءَ سئے شمبے ءَ یک روچی تر ءُ تاب ءِ ساھت ءَ چیئرمین این ڈی ایم اے لفٹیننٹ جنرل محمد افضل ءِ ھمبراھی ءَ کورونا وائرس ءِ ھوپ ءَ چہ پد حکومت آزات کشمیر ءِ گامگیج آنی چار ءُ تپاسی ءِ واستہ وھد ءِ مظفر آباد ءَ پج ات گڈا صدر آزات کشمیر سردار مسعود خان، مزن وزیر راجہ فاروق حیدر خان ، کابینہ ءِ وزیر ، چیف سیکرٹری مطہر نیاز رانا ءُ ایندگر کارندہ آں آئی ءَ را وش اتک کت۔ صدر ءِ پاکستان ءَ را مظفر آباد ءَ حکومت ءِآزات کشمیر ءِ گامگیج آنی بابت ءَ صدر سردار مسعود خان، مزن وزیر راجہ فاروق حیدر خان ءُ چیف سیکرٹری ءَسرجمی ءَ بریف کت۔ صدر ءِ مملکت ڈاکٹر عارف علوی ءَ را صدر آزات کشمیر ءَ مقبوضۃ کشمیر ءِ جاور ھال آنی بابت ءَ سرپد کت ءُ گوشت کہ کورونا وائرس ءِ ھوپ ءَ ابید بھارت ءِ ارد مقبوضۃ کشمیر ءَ ورنا آناں درچنان ءُ مرگ ءِ دیمپان کنگ ءَ انت ءُ ایل او سی ءِ سر ءَ ٹوھیں کساس آرٹلری ءُ مارٹر گن ءَ چہ آزات کشمیر ءِ الس آناں نشانگ بندگ بوھگ ءَ انت ایشی ءَ حکومت آزات کشمیر ءِ کورونا ءِ ھلاپ ءَ استیں گامگیج آناں تاوان رسگ ءَ انت دومی نیمگ ءَ مقبوضہ ءِ الس آناں کورونا ءِ ھوپ ءَ گوں گر ءُ چیل بوھگ ءِ واستہ ضلوری انت کہ جان سلامتی آسراتی پجارینگ نہ بوھگ ءَ انت۔ آئی ءَ گوشت کہ بھارتی حکومت ءَ کورونا وائرس ءِ ھوپ ءِ ساھت ءَ مقبوضہ کشمیر ءِ نوکیں ڈومیسائل کانود ءِ جاڑی کنان ءَ کشمیری آناں آوانی بنیاتی ھک ءَ چہ زبھر کنگ ءِ پندل ءِ کتگ۔
