سرجمیں ملک ءَ ہسپتال آنی تہ ءَ ڈاکٹر ءُ جان سلامتی کارندہ آنی واستہ رکھینگی سامان آنی سیمی بھر شنگ ءُ تالان
اسلام آباد۔ 21 اپریل (اے پی پی) سرجمیں ملک ءَ ہسپتال آنی تہ ءَ ڈاکٹر ءُ جان سلامتی کارندہ آنی واستہ رکھینگی سامان آنی سیمی بھر شنگ ءُ تالان ءِ واستہ سندھ ءِ ہسپتال آنی واستہ سامان روانگ کنگ بوتگ۔ نیشنل ڈیزاسٹر مینجمنٹ اتھارٹی ءِ ترجمان ءِ رد ءَ سندھ ءِ واستہ 3 لکھ 45 ہزار یک سد سرجیکل ماسک ءُ 9 ہزار 627 این-95 ماسک، 69 ہزار 299 رکھینگی سوٹ ءُ 15 ہزار 777 گاؤون روان دیگ بوتگ۔ جان سلامتی آنی تہ ءَ 49 ہزار 5 سد 87 سرجیکل کلاھ، 31 ہزار 614 جوڑا دستہ ءُ 4 ہزار 38 رکھینگی چشما ھم ھوار انت۔ ھمے رنگ ءَ 37 ہزار 674 چمپلانی کور ءُ یک ہزار 521 فیس شیلڈ ھم سندھ ءِ ڈاکٹر آنی واستہ روان دیگ بوتگ انت۔ ایشی ءَ ابید نائی ہزرڈ سوٹ، باڈی بیگز ءُ سیفٹی باکس، یک لیٹر ءُ 150 ملی لیٹر والا ایں سینیٹائزر ءِ بوتل ، میتھنول ءُ ہینڈ واش ھم سامان آنی تہ ءَ ھوار انت۔ خیبر پختونخوا، گلگت بلتستان، بلوچستان ءُ آزات کشمیر ءِ واستہ رکھینگی سامان پیسر ءَ روان دیگ بوتگ وھیکہ پنجاپ ءِ واستہ ھم سامان آیوکیں لستیں کلاک آنی تہ ءَ روان دیگ بیت۔
