مقبوضہ کشمیر اٹی تدوک آ 8تُوآن بیدس طبی ، مالی ، مواصلاتی و غذائی امداد آن کرفیو برجاءِ، وزیراعظم عمران خان نا ٹویٹ

اسلام آباد۔ 21اپریل (اے پی پی) وزیراعظم عمران خان پارینے کہ مقبوضہ کشمیر اٹی غیر انسانی سیاسی و عسکری کرفیو تدوک آ 8تُوآن بیدس طبی، مالی، مواصلاتی و غذائی امداد آن برجاءِ، داسہ اقوام عالم کشمیری الس نا تکلیف آتا اندازہ ءِ خلنگ کیک ہرافتے بدترین جبر انا مون تروک ءِ۔ سے شنبے نادے آ تینا ٹویٹ اٹی اوپارے کہ حقیقت دادے کہ نسل پرست نظریہ ہندوتوا نا پیروکار مودی سرکار داہیت ءِ پک کرینے کہ داناکہ بندی ٹی اہل کشمیر بنداوی ضرورت نا گڑاتیان ہم یکسر محروم مریر۔ وزیراعظم پارے کہ غٹ تر طبی ، مالی ، مواصلاتی و غذائی امداد نا فراوانی آن پد ہم دنیا نا چندی بشخ آتے ٹی کوروناوائرس نا سوب لاک ڈاؤن اٹی برانزی مچی کننگ انگ ءِ۔ اوپارے کہ غالبا داسہ اقوام عالم مقبوضہ جموں و کشمیر نا الس نا تکلیف آتا اندازہ ءِ خلنگ کیک ہرافتے بدترین جبر انا مون تروک ءِ۔