بھارت کورونانا دین انا آڑاٹ مقبوضہ کشمیر اٹی کشمیری تا توار ءِ توننگ نا کوشست کننگ ءِ، صدر ڈاکٹر عارف علوی

مظفرآباد۔ 21اپریل (اے پی پی) صدر ڈاکٹر عارف علوی پارینے کہ بھارت کورونا نا دین انا آڑاٹ مقبوضہ کشمیر اٹی کشمیری تا توار ءِ توننگ نا کوشست کننگ ءِ، بھارت اٹی مسلمان آتون تعصب آمیز سلوک کننگ انگ ءِ، آزاد کشمیر حکومت ناوخت آ گام گیج آتا سوب آن داڑے کوروناوائرس نا حالیت آتا مون توروک ءِ۔ داخیال آتا درشانی ءِ او سے شنبےنادے آ آزاد کشمیر نا دارالحکومت مظفر آباد نا دورہ ءِ کننگ نآ وخت آ پارے۔ مظفر آباد آ بننگ آ وزیراعظم آزاد کشمیر صدر مملکت ءِ بخیر کرے۔ صدر مملکت ڈاکٹرزو طبی عملہ کن رکھی گڑاتے آزاد کشمیر حکومت نا دوٹی تس۔ چیئرمین این ڈی ایم اے لیفٹیننٹ جنرل محمد افضل ہم صدر مملکت تون اوار ءِ۔ صدر پاکستان ءِ آزاد کشمیر اٹی کورونانا دین اتون مون تننگ کن چست کروک آ گام گیج آتیا حوال تننگا۔ صدر مملکت ڈاکٹر عارف علوی پارے کہ پورو کوشست مننگ ءِ کہ قومی یکجہتی نا فضاءِ برجاتخنگے۔ کورونانا دین اتون جنگ تننگ کن مچ آ پاکستان بشمول آزاد کشمیر و گلگت بلتستان یکجاءُ۔ اوپارے کہ ہندوستان دین انا آڑاٹ مقبوضہ کشمیر اٹی کشمیری تا توار ءِ توننگ نا کوشست کننگ ءِ، پاکستانی قوم انا است کشمیری تتون اوار دھڑکک اوفتیا کروک آ ظلم ءِ مچ آ دنیا ٹی پاکستان بے نقاب کرسا کیک۔ صدر مملکت پارے کہ ہندوستان اٹی مسلمان تا برخلاف تعصب آمیز سلوک کننگ انگ ءِ، صدر مملکت پارے کہ آزاد کشمیر حکومت نا کاکڑد بے مٹ ءِ، داڑآ نمے مبارکباد پیش کیوہ، آزاد کشمیر حکومت نا وخت آ گام گیج آتا سوب داڑے حالیت آک کنٹرول اٹی ءُ۔ صدرو وزیراعظم آزاد کشمیرئسک پاریر کہ اسلامی جمہوریہ پاکستان نا مظفر آباد آ بننگ ننکن خوشی نا سوب ءِ اونا منت واریءِ ہرفنہ۔