اسلام آباد۔ 21اپریل (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ جہانی ادارہ و دنیا بھارت اٹی ودوک آ ہندوانتہاپسندی نا دمدستی نوٹس ءِ ہلیر۔ ہندو انتہاپسندی نا سوب کروڑ آ مسلمان تا زند خطرہ ٹی ءِ۔ سے شنبے نادے آ تینا بیان اٹی اوپارے کہ بھارت کوروناوائرس نا آڑاٹ مقبوضہ کشمیر اٹی خطرناک ءُ گوازی اس گوازی کننگ ءِ، بھارت مقبوضہ کشمیر نا ڈیموگرافی ءِ بدل کننگ نا کوشست کننگ ءِ۔ اوپارے کہ بھارت کوروناوائرس نا جاگہ غا مسلمان و کشمیری تا برخلاف جنگ اٹ اختہ ءِ، بھارت اٹ نام نہاد سیکولرازم دفن مسنے۔ علی امین گنڈاپور پارے کہ ہندو انتہاپسند فاشٹ بھارت مچ آدنیا نا امن کن خطرناک مریک، بھارت ءِ کشمیری تے اوفتا حق خودارادیت ءِ تروئی مریک۔
