لاک ڈاؤن آن زہمی بندغ آتے کن ریلیف نا فراوانی ننا اولیت و زمواری ءِ، ڈاکٹر فردوس عاشق اعوان

اسلام آباد۔ 21اپریل (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ کوروناوائرس نا سوب آن لاک ڈاؤن آن زہمی بندغ آتے کن ریلیف نا فراوانی ننا اولیت و زمواری ءِ، کوڑی کروک آتا برخلاف آرڈیننس الس ءِ کبینی و کوڑی کننگ آن بچفنگ نا وزیراعظم عمران خان نا عزم انا پیدوار درشانی ءِ، الس نا مشکل آتیان فائدہ ہرفوک آک ہچ وڑاسے ٹی رعایت نا حقدار افس۔ سے شنبے نادے آ تینا ٹویٹ اٹی ڈاکٹر فردوس عاشق اعوان پارے کہ داوڑنا زموار آتون آہنی دوتے اٹ مون تننگک، کوڑی کننگ آن ناروا کٹیا کروک آتے آرڈیننس نا رداٹ سزا تننگک۔ اوپارے کہ کوڑی کننگ آ 3سال بند و ضبط مروک آ مال انا مالیت نا 50درسد جرمانہ تروئی مریک، دا گام گیج ءِ کوروناوائرس آن ودی مروک آ حالیت آتارداٹ رداٹ الس نا آسراتی کن کننگانے، ضرورت نا گڑاتا بلاتعطل فراوانی حکومت نا اولی زمواری ءِ۔ اوپارے کہ الس آن خواست کینہ کہ کوڑی کروک و کوڑی کننگ نا پیدواری ءِکے، و ضبط مروک آ گڑاتا 10درسد بطور انعام ہلیر، کوڑی کروک آتا رند اٹ تمر، انعام ہلیر، و نیزگار آتا دعاءِ ہلیر۔