اسلام آباد۔ 20اپریل (اے پی پی) وزیراعظم عمران خان تون پنی آ عالم دین تا ڈل اوڑدہی ٹی لاک ڈاؤن نا بابت اونا موقف نا مخ تفی ءِ کرسا ہروڑنا کمک نا باوری کرفینو۔ وزیراعظم آفس نا میڈیا ونگ آن جاری بیان نا رداٹ وزیراعظم تون اوڑدہی کروک آ ڈل اٹی پیر امین الحسنات شاہ، پیر شمس بن الامین، پیر نقیب الرحمان، مولانا محمد حنیف جالندھری، مولانا طاہر محمود اشرفی، مولانا حامد الحق حقانی، حافظ غلام محمد سیالوی، علامہ راجہ ناصر عباس، صاحبزادہ پیر سلطان فیاض الحسن، مفتی محمد گلزار نعیمی، مولانا سید چراغ دین شاہ و مولانا ضیاء اللہ شاہ ئسک ساڑی ئسر وخت اس کہ ویڈیو لنک انا کمک اٹ گورنر سندھ عمران اسماعیل، مفتی منیب الرحمان، مفتی تقی عثمانی ئسک ہم بشخ ہلکر۔ وزیر تعلیم شفقت محمود، وزیر مذہبی امور نور الحق قادری، خصوصی کمکار حوالکاری و شینکاری ڈاکٹر فردوس عاشق اعوان ، چیئرمین اسلامی نظریاتی کونسل ڈاکٹر قبلہ ایاز و ایلوفک ہم ساڑی ئسر۔ عالم دین تا ڈل لاک ڈاؤن نا بابت وزیراعظم نا موقف نا پبی تائید ءِ کریر۔ وزیراعظم ءِ عالم دین تا کنڈآن پورو کمکاری نا باوری کرفنگا۔
