کوئٹہ۔ 20اپریل (اے پی پی) ڈپٹی اسپیکر قومی اسمبلی قاسم خان سوری پارینے کہ داوخت آ کوروناوائرس آن مچ آ انسانیت ءِ خطرہ مون تروک ءِ دا ہلوک آ ناجوڑی تون مون تروک ڈاکٹرز و طبی اسٹاف تون اوار اوار پولیس و کانود نافذ کروک آ ادارہ غاتا ورناک صف اول اٹ جنگ کننگ ءُ دا سخت انگا وخت اٹی بلوچستان پولیس نا شہید آتا خاہوت آتے تنیا الیپنہ۔ داخیال آتا درشانی ءِ او بلوچستان پولیس نا شہید آتا خاہوت آتے ٹی کمکی زر و راشن نا فراوانی نا اسہ سادہ ءُ دود اسے آن تران کرسا کرے۔ داوخت آ ایڈیشنل آئی جی پولیس کوئٹہ عبدالرزاق چیمہ ہم ساڑی ئس ، اسپیکر بلوچستان قومی اسمبلی قاسم خان سوری پارے کہ کوروناوائرس دا وخت آ مچ آ دنیا کن اسہ چیلنج اس جوڑمسنے، دا سنگین حالیت آتا مقابلہ ءِ صبر و سگ و راہشون طبی اصول آتیا عملدرآمد کرسا کننگ مریک حکومتی گام گیج آک الس نا گچینی و دا ہلوک آ دین آن بچنگ کن ءُ لاک ڈاؤن نا دا حالیت آتے ٹی حکومت ءِ راج انا نیزگار و نیامئی تپہ غاتا مشکل آتا جوانی اٹ احساس ارے ہنداسوب ءِ کہ حکومت پاکستان ملکی تاریخ نا غٹ آن بھلا ریلیف پیکج اس فراوان کرے دود آن تران کرسا ایڈیشنل آئی جی پولیس کوئٹہ عبدالرزاق چیمہ ڈپٹی اسپیکر قومی اسمبلی قاسم خان سوری نا منت واری ءِ ہرفسا پارے کہ دا سخت انگا ساہت اٹی پولیس نا شہید آتا خاہوت آتا کمک ءِ کننگ گچین ءُ گام اسے ہراڑآن اوفتا دلجوئی مسنے ایڈیشنل آئی جی پولیس پارے کہ پولیس نا ورناک دا حالیت آتے ٹی پورو تندہی اٹ کسبی فرض ءِ پورو کننگ اٹی ءُ و اواری اٹ دا ہلوک آ دین اتون مون تننگ اٹ سرسہب مرینہ۔
