اسلام آباد ۔ 20 اپریل (اے پی پی) مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان الس ءَ را کورونا وائرس ءَ چہ رکھینگ ءُ شدیکی ءَ را رکھینگی ءِ گامگیج کنگ ءَ انت وھدیکہ دومی نیمگ ءَ (ن) لیگی سروک الس ءِ درد ءَ را مارگ ءِ مٹ ءُ شریف ھاندان ءِ درد ءَ را مارگ ءَ انت۔ دو شمبے ءَ وتی ٹویٹ ءَ شاہد خاقان عباسی ءَ را دلگوش کنان ءَ گوشتگ کہ ھما سروک آں گوں ملک نہ چل ایت الس ءَ آواناں ڈن ءَ در کتگ دور داتگ ، پنجاپ ءَ (ن) ن لیگی آنی شہباز شریف ءَ را یات کنگ ایشانی سروک ءَ چہ دور کنگ ءُ گستا دَ ور دیگ ءِ وھد ءُ باریگ ءَ گوں بندوک انت۔ ڈاکٹر فردوس عاشق اعوان ءَ گوشت کہ مرچی سرجمیں راج کرونا ءِ ھلاپ ءَ جنگ ءَ انت۔ اپوزیشن لیڈر الس ءِ گوما اوشتگ ءِ واستہ اتکگ بلے وت آئسولیشن ءَ نشتگ۔ آئی ءَ گوشت کہ کانود ءَ را وتی دلے وڑ کنگ ءِ واستہ ایشانی زانگ لوٹ ایت کہ پاکستان ءَ کانود آزات انت ءُ کانود درستانی مستر انت۔ شاہد خاقان عباسی صاحب وتی سروک آں بگش ایت کہ راج ءِ امانت آں واپس بکنت۔ ڈاکٹر فردوس عاشق اعوان ءَ گوشت کہ بازیں سال ءَ چہ ملک ءِ سر ءَ سروکی کنوک آناں مرچی الس ءِ گوما ھمگام ءَ اوشتگ لوٹ ایت، اے وھد ءِ لوٹ انت۔
