مزن وزیر عمران خان ءِ کورونا وائرس ءِ استیں جاور ھال ءُ گر ءُ دار ءِ ھوالگ ءَ گامگیج آنی چار ءُ تپاسی دیوان ءِ سروکی ءَ کنان ءَ درشان

اسلام آباد ۔ 20 اپریل (اے پی پی) مزن وزیر عمران خان ءَ گوشت کہ حکومت جوانیں کوشست انت کہ کورونا ءِ گر ءُ دار ءُ معیشت ءِ چکر ءَ را جاڑی دارگ ءَ را برجا کنگ بہ بیت، تاجریں برات آنی مشکل آناں سرجمیں رنگ ءَ زانت، کورونا ءِ ھلاپ ءَ درستاں چہ شرتریں گامگیج چاگردی گستائی ءَ را دل یکیمی کنگ انت، اے جنگ ءَ ڈاکٹر ءُ جان سلامتی کارندہ اول سر انت ءُ ایشانی ضلورت آناں سرجم کنگ اولی کار انت۔ مسیت ءُ عبادت ءِ ھوالگ ءَ آیوکیں گامگیج ملک ءِ عالم آنی نیام ءَ وت مہ وت تپاکی ءَ گوں منوگر بوتگ انت، کورونا وائرس ءِ گر ءُ دار ءِ استیں جاور ھال ءُ گر ءُ دار ءِ ھوالگ ءَ گامگیج آنی سر ءَ چار ءُ تپاسی دیوان ءِ سروکی ءَ کنان ءَ کت۔ دیوان ءِ تہ ءَ بنجاھی وزیر حماد ا ظہر ، اسد عمر، مخدوم خسرو بختیار، سیّد فخر امام، ھاسیں کمکار برائے صحت ڈاکٹر ظفر مرزا، ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان، ھاسیں کمکار ڈاکٹر معید یوسف، فوکل پرسن برائے کورونا ڈاکٹر فیصل سلطان، چیئرمین این ڈی ایم اے ءُ ایندگر کلانہ ایں اپسرگ ساڑی اتنت۔ ھاسیں کمکار برائے جان سلامتی ڈاکٹر ظفر مرزا ءَ مزن وزیر ءَ را سرجمیں ملک ءَ کورونا وائرس ءِ استیں جاور ھال آنی بابت ئَ سرجمیں رنگ ءَ بریفنگ دات۔ وزیر ءِ منصوبگ بندی اسدر عمر ءَ کورنا وائرس ءِ گر ءُ دار ءِ ھوالگ ءَ نیشنل کمانڈ اینڈ آپریشن سنٹر ءِ گامگیج آنی ھوالگ ءَ چار ءُ تپاسی بریف کنگ بوت۔ مزن وزیر ءَ را گوشگ بوت کہ اے وھد ءَ 8 ہزار ءَ چہ ٹیسٹ ھمک روچ ءَ بنیات ءَ کنگ بوھگ ءَ انت۔ اے ماہ ءِ گڈ ءَ 20 ہزار ٹیسٹ ھمک روچ کنگ ءِ سیم سر در جنگ بیت۔ مزن وزیر ءَ گوشگ بوت کہ ہسپتال آنی تہ کار رپک ءَ را گیش ودینگ ءِ ھوالگ ءَ ھم ھاسیں دلگوشی دیگ بوھگ ءَ انت۔ تانکہ آیوکیں باندات ءِ جاور آنی گوما گر ءُ چیل گہتری ءَ گوں بہ بیت۔ مزن وزیر عمران خان ءَ دیوان ءَ گشتانک دیان ءَ گوشت کہ حکومت ءِ جوانیں کوشست ات کہ کورونا ءِ گر ءُ دار ءُ معیشت ءِ چکر ءَ را جاڑی دارگ ءَ را برجا کنگ بہ بیت، تاجریں برات آنی مشکل آناں سرجمیں رنگ ءَ زانت، کورونا ءِ ھلاپ ءَ درستاں چہ شرتریں گامگیج چاگردی گستائی ءَ را دل یکیمی کنگ انت، اے جنگ ءَ ڈاکٹر ءُ جان سلامتی کارندہ اول سر انت ءُ ایشانی ضلورت آناں سرجم کنگ اولی کار انت۔ مسیت ءُ عبادت ءِ ھوالگ ءَ آیوکیں گامگیج ملک ءِ عالم آنی نیام ءَ وت مہ وت تپاکی ءَ گوں منوگر بوتگ انت۔ مزن وزیر ءَ عالم آنی گوما بوتگیں میٹنگ ءِ ھوالگ ءَ دیان ءَ گوشت کہ اے گپ لائک ءِ توسیپ انت کہ مسیت آنی ھوالگ ءَ گامگیج ملک ءِ عالم ءُ نیک راھی بلدکاریں مردم آنی نیام ءَ تپاکی ءَ گوں منوگر بوتگ، اے گامگیج آنی زمہ واری عالم آں وت زوتگ، مزن وزیر ءَ گوشت کہ کورونا وائرس ءِ گر ءُ دار ءِ ھوالگ ءَ گامگیج یکجائی زمہ واری ات۔