مزن وزیر عمران خان ءَ گوں فیصل آباد ءَ چہ سیادی داروکیں راجی اسمبلی ءِ باسک آنی گوما گند ءُ نند

اسلام آباد ۔ 20 اپریل (اے پی پی) مزن وزیر عمران خان ءَ گوں فیصل آباد ءَ چہ سیادی داروکیں راجی اسمبلی ءِ باسک آنی گوما گند ءُ نند کت۔ ڈل ءِ تہ ءَ چوہدری عاصم نذیر، نواب شیر وسیر، رضا نصراللہ ءُ خرم شہزاد ھوار اتنت۔ اے موہ ءِ سر ءَ بنجاھی وزیر برائے منصوبگ بندی اسد عمر ھم گند ءُ نند ءِ تہ ءَ ساڑی ات۔ راجی اسمبلی باسک آں مزن وزیر ءَ را کورونا وائرس ءِ رد ءَ وتی وتی دمگ ءِ جاور ھال ھاسیں رنگ ءَ احساس پروگرام ءِ چیر دستی ءَ ھمزوریں تبک ءَ را حکومت ءِ نیمگ ءَ مالی کمک ءِ پجاری ءِ جاور آنی بابت ءَ سرپد کت۔ ڈل ءَ احساس ایمرجنسی کیش پروگرفام ءَ را ساڑات ءَ گوشت کہ حکومت ءِ گامگیج آں چہ اے مشکلیں وھد ءَ ھمزوریں تبک ءِ دلبڈی بوتگ۔ مزن وزیر ءَ راجی اسمبلی ءِ باسک آناں پنت ءُ شون کت کہ آ وتی وتی دمگ آنی الس آناں ریلیف پجاری کنگ ھاسیں رنگ ءَ رمضان ءِ ماہ ءَ ریلیف پجاری کنگ ءَ جوانیں کرد پیلو بکن انت۔