ملتان ۔ 19اپریل(اے پی پی)دری کارانی وزیر شاہ محمود قریشی ءَ گشتگ کہ آماچیں مردماناں سیاسی سیادی ءِ ردءَ نا پہ حق کمک دیئگ بوہگءَ اِںت۔ یک شمبےءِ روچءَ دری کارانی وزیر شاہ محمود قریشی ءَ ڈپٹی کمشنر ملتان ءِ ہمراہی ءَ منظور آباد ءُ قاسم پور کالونی ءَ استیں احساس کفالت بنجاہ آں ابید ایندیگہ دمگانی ترءُ تاب کتگ ءُ گشتگ کہ پہ لاک ڈاؤن ءِ آماچیں مردمانی ھاترءَ احساس ایمرجنسی کیش پروگرام پاکستان ءِ راج دپتر ءِ درستاں چہ مستریں کمکی پیکیج اِنت کہ ایشی ءِ ردءَ یک کروڑ 25لکھ حانداناں یک سد 44ارب کلدار بھرءُ بانگ کنگ بوتگ۔ مخدوم شاہ محمود قریشی ءَ کیش کاؤنٹرآں چہ کمکی زرانی دیئگ، وڑءُ پیم چاراِتگءُ گوں آماچیں مردماں گپءُتران کتگءُ گشتگ کہ ڈیجیٹل سسٹم ءِ ردءَ اے کمکی پیکیج ءَ را محفوظ جوڑ کنگ بوتگ ءُ ضلع ملتان ءِ آماچیں مردماں تاں انوں یک ارب 36کروڑ کلدار دیئگ بوتگ۔ اے ہوالگءَ ملتان ءَ زرءِ برءُ بانگ کنگءِ ہوالگءَ سرجمیں پنجاپ ءَ اولی لڑءَ ہوار اِنت کہ ایشی ءِ ھاترءَ ملتان ءِ انتظامیہ ، ڈپٹی کمشنرءَ باز جہدءُ کوشست کتگ۔ پہ اے ھاترءَ انتظامیہ ءَ را ویلڈن گشیں۔ اے موہءَ دری کارانی وزیر ءَ گوں آماچیں مردماں سرائیکی زبان ءَ گپ کتگءُ کورونا وائرسءِ ہوالگءَ سرپدی کتگ۔ اے موہءَ ڈپٹی کمشنر ملتان ءَ گشتگ کہ ضلع ملتان ءَ کمکی رز دیئگ ءِ مرچی دہمی روچ اِںت وہدے کہ کمکی رز ءِ بر کنگءِ 25بنجاہ جوڑ کنگ بوتگ ءُ اولی برءَ یک لکھ 358اماچیں مردماں کمکی زر دیئگ بوتگ۔ دومی برءَ 37ہزار961وہدے کہ انصاف کمکی پروگرام ءِ ردءَ سیمی برءِ آماچیں مردمانی لڑ پنجاپ انفارمیشن بورڈ جوڑ کنگ ءَ اِںت۔ ایشی ءَ ابید آماچیں مردماناں لوگانی تہءَ حال دیئگ بوہگ ءَ اِںت ءُ کمک دیئگ بوہگءَ اِںتءُ اے بنجاہ آنی بند بوہگءَ پد ہم آماچیں مردم بینک آں چہ بائیومیٹرک سسٹم ءِ ردءَ کمک زُرت کناں۔
