اسلام آباد ۔ 19 اپریل (اے پی پی) مزن وزیر ءِ حاسیں کمک کار سی ڈی اے علی نواز اعوان ءَ گشتگ کہ راول چوک ءُ پارک روڈ ءِ سرءَ ٹریفک منیجمنت سلویشن ءِ سرءَ کار زوت بندات بیت، اے منصوبہ ءِ ھاترءَ ٹینڈر جاری کتگ۔ یکشمبے ءِ روچءَ وتی یک بیانے ءَ حاسیں کمک کار ءَ گشتگ کہ گوں اُلسءَ کتگیں یک دگہ سوگندے پیلو کنگ بوہگءَ اِںت، اے ڈیم چوک انڈرپاس فلائی اوور ءِ ھاترءَ ٹینڈر جاری کنگ بوتگ اے منصوبہ ءَ چہ دفتری وہداں رشءُ کش بوہگءِ سوبءَ مری، بہارہ کہو، ترامڑی چوک ءُ کشءُ کرءِ دمگاں چہ پہ آیوکیں مردمانی ھاترءَ ارزانی بیت۔ اے منصوبہ ءِ سرءَ 1246.067 ملین کلدار ءِ حرچ کیئت، اے منصوبہ سی ڈی اے ءِ نیمگءَ چہ شہرءَ ٹریفک ءِ جیڑہ ءَ ہلاس کنگءِ ھاترءَ یک مزنیں گامگیج اِت۔ اے منصوبہ ءِ مولءُ مراد اے حاسیں شاہ دگانی سرءَ باندات ءَ تریفک ءِ ضلورتءَ را پیلو کنگءَ ابید اے حاسیں تریفک کوریڈور ءِ سرءَ روڈ سیکٹر ایفیشنسی ءَ را گہتر کنگءَ ہوار آرامیں سفرءُ سگنل فری ٹریفک جوڑ کنگ اِنت۔
