سیالکوٹ 19اپریل(اے پی پی ) مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ گوشت کہ سیالکوٹ ءَ میڈٰیا ءَ گوں تران کنان ءَ گوشت کہ مزن وزیر کورونا ءُ معاشی جیڈھ ءُ جنجال آں گوں یکیں وھد ءَ دیمپانی کنگ ءَ انت۔ مزن وزیر اگاں معیشت ءِ چکر چلئیت گڈا مزور ءِ چل ءَ آس روک بیت۔ آئی ءَ گوشت کہ ماہ ءِ رمضان ءَ چہ پیسر کسانیں دکاندار آنی واستہ حکومت پیکج ءِ جار ءَ جنت۔ ھاسیں کمکار ءَ گوشت کہ استیں جاور ھال آنی رد ءَ ناجائزیں مالی سیت چست کنوک آنی ھلاپ ءَ ترندی کانودی کاروائی کنگ بیت۔ ڈاکٹر فردوس عاشق اعوان ءَ گوشت کہ ملکی ضلورت ءُ میاں اوستمانی جاور ھال آنی رد ءَ بازیں کساس ءَ گندم ءِ بھا زور آں، حکومت ءَ گندم ءِ بھا زوی ءِ واستہ 280 ارب کلدار گیشین تگ۔ آئی ءَ گوشت کہ یوٹیلیٹی سٹور ءَ 19 سامان آنی سر ءَ سبسڈی دیگ بوتےگ۔ مزن وزیر پاکستان ءَ یوٹیلیٹی سٹور ءِ واستہ دھ ارب کلدار ءِ پیکج داتگ۔ آئی ءَ گوشت کہ کوچگ آنی تہ ءَ یوٹٰلیٹی سٹور نہ بوھگ ءِ پد ءَ مزن وزیر ءَ کوچگ آنی ھمروچگیں المی ایں سامان پجارینگ ءِ واستہ موبائل یوٹیلیٹی سٹور ءِ بنگیج ءِ کار جاڑی کتگ تانکہ مردم تاں ضلوری سامان جوانیں نیاد آنی تہ ءَ بہ رس انت۔ ھاسیں کمکار برائے اھوالکاری ءُ شنگ کاری ءَ گیش گوشت کہ صدر ءِ مملکت ءَ عالم آنی گوما شور ءُ سلاھ وشیں گپ ات کورونا ءِ ھلاپ ءَ جنگ ءَ عالم آنی کرد سک باز ارزشتی انت۔ آئی ءَ گوشت کہ نیک راھی فرض آنی پیلو کنگ ءِ گوما عالم آنی کورونا ءِ ھوالگ ءَ زانت ءُ زانش ءُ سرپدی پجارین انت۔ آئی ءَ گوشت کہ کانفرنس ءِ جار سرجمیں راج ءِ گوانک انت۔
