اقوام متحدہ ۔19اپریل (اے پی پی) اقوام متحدہ ءِ چلڈرنز فنڈ یونیسیف ءَ گوشت کہ کروونا وائرس ءِ ھلاپ ءَ جنگ ءِ تہ ءَ اے گپ ءَ را ارزسشت دیگ لوٹ ایت کہ زھگ اے ھوپ ءَ چہ آماچ بوھگ ءَ انت۔ ادارگ ءَ گوشت کہ سرجمیں دگنیا ءَ زھگ اے جاور آنی تہ ءَ سک باز دماگی ٹینس ءِ آماچ بوھگ ءَ انت ءُ ایشی ءِ رند پد آیوکیں زندمان ءَ یل نہ کن انت۔ یونیسیف ءِ ، گلوبل ان سائٹ، شوبگ ءِ ھوالگ ءَ لارنس چانڈے ءَ وتی اے رپوٹ ءِ تہ ءَ گوشت کہ 60 درسد زھگ یک انچیں جاورے ءِ تہ ءَ نشتگ انت آھودا لاک ڈائون انت، سکول بند انت ءُ گس آں چہ ڈن تاجگیں گوات ءَ ساہ ءُ نپس زورگ ءَ بندش انت۔ سکول آنی تہ ءَ ایوک ءَ وانگ ھیل کنگ نہ بیت، بلکینگ ءَ ایشاناں ادا لیب ءُ گوازی ءُ وردن ءُ وراک ھم رسیت۔ نوں اے درست بند انت۔ دگنیا ءِ 143 ملک آنی 50 کروڑ زھگ سکول ءَ لنچ ءَ چہ زبھر انت۔ رپورٹ ءِ تہ ءَ گوشگ بوت کہ سکول بند بوھگ ءِ سبب ءَ آوانی دماگی جان سلامتی ءِ سر ءَ سک باز زور ءُ بار است انت، ءُ ایش ھاندانی کشاں چیل ءِ سبب ءَ ھم آماچ بوھگ ءَ انت۔
