لاہور۔ 18اپریل (اے پی پی) پاکستان ریلویز نا اسٹاف کوروناوائرس تون مون تننگ و زہمی تا کمک ءِ کننگ کن مزور نا اسہ دے انا تنخواہ و آفیسر آتا مسہ دےانا تنخواہ ءِ وزیراعظم پاکستان عمران خان نا کورونا فنڈ اٹ تننگ نا فیصلہ ءِ کرینو۔ پاکستان ریلوے دا مد اٹ پنچ کروڑ اسہ لکھ ہشتاد ءُ پنچ ہزار روپئی اداکیک۔ ریلوے ہیڈ کوارٹرز آفس لاہور اٹی میڈیا تون گپ وتران کرسا بنجائی وزیر ریلوے شیخ رشید احمد پارے کہ دا پسہ غاک آل پاکستان ٹیکسٹائل ایسوسی ایشن نا کنڈآن تروک آ پیسہ غاتیان اسہ لکھ ہشتاد ءُ پنچ ہزار روپئی زیات ءُ۔ ہالانکیہ آپٹما پاکستان اٹی دنیا نا غٹ آن بھلا ایکسپورٹ انڈسٹری ءِ۔ بنجائی وزیر ریلوے پارے کہ چیف آف آرمی اسٹاف غٹ ریلوےاسٹیشن تا قلی کن مسہ ہزار راشن بیک ننے تسنے دافتیان اسہ ہزار بیگ نن پگہ یانزدہ بجہ غا لاہور ریلوے اسٹیشن آ قلی تیٹی بشخنہ۔ نن قلی تے 12ہزار روپئی ترفنگ کن پورو کوشست کننگ اُن اوفتا لسٹ آتے نن احساس پروگرام ءِ گدریفینن، و دابابت ثانیہ نشتر تون ہیت وگپ ہم مسنے۔ نیشنل مینجمنٹ ڈیزاسٹر اتھارٹی ننے 10ہزار ماسک تسنے ہرافتے نن ورکشاپ آتے ٹی بشخانن۔
