اسلام آباد۔ 18اپریل (اے پی پی) اسپیکر قومی اسمبلی اسد قیصر ہفتہ نادے آ ٹوپی ٹی احساس پروگرام ڈسٹری بیوشن سینٹر نا دورہ ءِ کرے و برجا کمکی سرجزآتا جاچ ءِ ہلک۔ دا وخت آ میڈیا تون گپ وتران کرسا اوپارے کہ احساس پروگرام ءِ مچ آدنیا ٹی است بڈی ملنگ ءِ ۔ ٹوپی سینٹر اٹی 11ہزار بندغ آتے داوخت اسکان 12ہزار روپئی ملانے دا پروگرام نا رداٹ داوخت اسکان 11کروڑآن زیات مزور جنوزان و حقدار بندغ آتے ٹی بشخنگانے۔ احساس پروگرام آن نیزگار و بے سیبو خلقت ءِ سیبو ملانے ۔ عمران خان تینا نیزگار الس تون دا پبی کمکاری ءِ ہرا برجاسلک ۔ صوبائی حکومت نا کنڈآن ہم نیزگار الس ءِ شش ہزار روپئی ملک، شفاف وڑوڈول اٹ سسٹم چلینگ انگ ءِ و بیدس سیاسی نیام تمنگ احساس پروگرام نا رداٹ اوفتے حق ملنگ ءِ، نیشنل اسمبلی ٹی شہریار آفریدی نا کماشی ٹی اسہ کمیٹی اس جوڑ کرین ہراٹی چندی ڈیپارٹمنٹ آتا سیکرٹری و غٹ وزیراعلیٰ تون نن رابطہ ٹی اُن۔ اوپارے کہ ای گمر اٹ پاوہ کہ درونادے دوانزدہ سد ءُ بیست ءُ نہہ تبلیغی ہرا چندی جاگہ غاتیا اختہ مسوسر او تینا علاقہ غاتیا سرمسنو۔ سندھ گورنمنٹ تون نن ہیت کرینن اینو کنے سماتمانے کہ جندی وڑاٹ دا ویل ءِ ہریوہ و ای تینا تبلیغی جماعت ءِ باوری کرفنگ خواوہ کہ نن اوفتا شرف ءِ کینہ۔ اسہ ہفتہ ٹی پاکستان نا تہہ ٹی اخسہ کہ تبلیغی جماعت ءُ تینا علاقہ غاتیا سرمریرہ۔ اسپیکر قومی اسمبلی اسد قیصر تحصیل ٹوپی ٹی احساس کفالت سینٹر نا دورہ ءِ کرے و او احساس کفالت سینٹر اٹی خلقت ءِ پیسہ غاتا زرتس انا عمل نا جاچ ءِ ہلک اوبست وبند آتیا منتظمین آتا کارکڑدگی نا ستاءِ کرے۔
