اسلام آباد۔ 18اپریل (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ بے سوب تنقید کروک آتا لاعلمی آ افسوز ہی کننگ مریک، وزیراعظم عمران خان حقدار بندغ، مزور و خواری کش آتے کن ملکی تاریخ نا غٹ آن بھلا پیکج ءِ تس، پنجاب بروک آ پڑآ سلوک ڈاکٹر نرس و طبی عملہ ءِ اسہ تُو انا ودکی تنخواہ تننگ نا پڑو ءِ کرینے ، کورونا نا برخلاف لائن آف ڈیوٹی آ سلوک سرکاری ملازم یا ڈاکٹر اسے نانہادی جان نا خوانخواستہ زیان مریک تو پنجاب حکومت اودے شہداء پیکج تننگ نا پڑو ءِ کرینے۔ ہفتہ نادےآ خصوصی کمکار ڈاکٹر فردوس عاشق اعوان پارے کہ گریڈ 1آن 16اسکان نا خاہوت آتے ٹی 40لکھ وخت اس کہ گریڈ 17آن بڑز 80لکھ انا کمک اوار ءِ۔ وزیراعظم عمران خان 1کروڑ 20لکھ نیزگار الس ءِ 12000روپئی فی کس امداد تس۔ دا مد اٹی 144ارب نیزگار آتے ٹی بشخنگ انگ ءِ۔ اوپارے کہ 9اپریلک آن ہلیس داوخت اسکان مچ آ ملک انا کم وود 41لکھ40ہزار خاہوت آتے ٹی 49ارب 68کروڑ 5لکھ روپئی بشخنگانے۔ اوپارے کہ تنقید کروک آک، ‘‘ اول راستکی تے پہہ مریر و ولدا ہیت کیر’’ سیاست نا جاگہ غا غٹ صوبہ غاتے ٹی کوروناوائرس کنٹرول کننگ اصل مشن ءِ۔ عمران خان کوروناوائرس و بین ہڑتوم آتا برخلاف جنگ کننگ ءِ۔ دا جنگ اٹ غٹ اوڑتون تفر انتئے کہ دا وخت سیاست نا اف۔
