اسلام آباد۔ 18اپریل(اے پی پی) مچ آ ملک اٹی تدوک آ 24گھنٹہ ٹی کوروناوائرس نا 465کیس رپورٹ مس اوکان پد پک کیس آتا کچ 7481مسنے۔ ہفتہ نادے آ نیشنل کمانڈ اینڈ آپریشن سینٹر نا کنڈآن کوروناوائرس نا بابت تازہ انگا حساب وکتاب ءِ جاری کننگا۔ نیشنل کمانڈ اینڈ آپریشن سینٹر نا رداٹ مچ آ ملک اٹی تدوک آ 24گھنٹہ ٹی 465پوسکن ءُ کیس رپورٹ مس اوکان پد کوروناوائرس نا پک کیس آتا کچ 7481اسکان سرمسنے۔ پاکستان اٹی کوروناوائرس نا ایکٹو کیس آتا کچ 5506مس۔ پنجاب اٹی کوروناوائرس نا کچ غٹ آن زیات 3391وخت اس کہ سندھ اٹی 2217مس۔ ہنداوڑ خیبر پختونخوا ٹی کیس آتا کچ 1077، اسلام آباد اٹی 163، بلوچستان اٹی 335،م گلگت بلتستان اٹی 250 کیس رپورٹ مس۔ آزاد کشمیراٹی کوروناوائرس نا کیس آتا کچ 48مس۔ کمانڈ اینڈ کنٹرول سینٹر نارداٹ جم وڑاٹ 38درسد کیس ایلو ملک آتیان بس، 62درسد ہندی وڑاٹ تالان مس۔ کمانڈ اینڈ کنٹرول سینٹر نا رداٹ تدوک آ بیست ءُ چار گھنٹہ ٹی کوروناوائرس آن 8بندغ زوال کریر اوکان پد زوال کروک آتا کچ 143مسنے۔ سندھ اٹی 47بندغ، پنجاب اٹی 37،م کے پی کے ٹی 50، گلگت بلتستان اٹی 3وبلوچستان اٹی 5مریض کوروناوائرس نا سوب زوال کرینو۔ بنجائی دارالحکومت اسلام آباد اٹی ہم کوروناوائرس نااسہ ناجوڑ اس دم تسنے۔ نیشنل کمانڈ اینڈ آپریشن سینٹر نارداٹ داوخت اسکان 92ہزار 584بندغ آتا کوروناوائرس نا ٹیسٹ کننگا۔ تدوک آ 24گھنٹہ ٹی 6416بندغ آتا ٹیسٹ ءِ کننگا۔ کوروناوائرس آن داوخت اسکان 1832بندغ جان جوڑ مسنو۔
