مزن وزیر عمران خان ءَ گوں مشیر ءِ ھزانگ ڈاکٹر عبدالحفیظ شیخ ءِ گندد ءُ نند، راجی ءُ در ملکی اقتصادی کار آنی سر ءَ ھیال ریچی کنگ بوت

اسلام آباد ۔ 16 اپریل (اے پی پی) مزن وزیر عمران خان ءَ مشیر ءِ ھزانگ ڈاکٹر عبدالحفیظ شیخ ءَ پنچ شمبے ءِ روچ ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ پاکستان ءَ ھوار دیمروئی کنوکیں ملک آنی واستہ جی 20 ڈل، آئی ایم ایف ءُ ورلڈ بنک ءِ نیمگ ءَ چہ وام آنی ریلیف ءِ واستہ کتگیں گامگیج آناں ساڑؑات۔ مشیر ھزانگ ڈاکٹر عبدالحفیظ شیخ ءَ مزن وزیر عمران خان ءَ را کورونا وائرس ءِ معاشی رند پد آں گوں گر ءُ چیل بوھگ ءِ واستہ آئی ایم ایف ءِ نیمگ ءَ 4۔1 ارب ڈالر ءِ گیش زر آناں آسانیں شرط آنی رد ءَ پجاری کنگ ءِ امیت آنی ھوالگ ءَ سرپد کت، آئی ءَ گوشت کہ مزن وزیر ءِ حکومت ءِ نیمگ ءَ جار جتگیں اقتصادی برجائی پیکج ءِ جتا جتائیں بھر آنی سر ءَ بوھوکیں رند پد آنی ھوالگ ءَ ھم سرپد کت۔