اسلام آباد ۔ 16اپریل (اے پی پی) مزن وزیر عمران خان ءَ بنجاھی وزیر برائے وردن ءُ وراک ءِ رکھینگ ءَ را پنت ءُ شون کت کہ اسیتں جوار ھال ھاسیں رنگ ءَ رمضان ءِ رد ءَ گندم ءُ ایندگر ھمروچگیں سامان آنی لوٹ ءُ رسگ ءِ سر ءَ جھلانکیں نگاہ ایر کنگ بہ بیت تانکہ وھد ءُ موہ ءِ سر ءَ پیسلہ کنگ بہ بیت ءُ ملک ءِ کجام …
مزن وزیر عمران خان ءِ بنجاھی وزیر سید فخر امام ءَ را پنت ءُ شون
گیشتریں ھال
اسلام آباد ۔ 16اپریل (اے پی پی) مزن وزیر عمران خان ءَ بنجاھی وزیر برائے وردن ءُ وراک ءِ رکھینگ ءَ را پنت ءُ شون کت کہ اسیتں جوار ھال ھاسیں رنگ ءَ رمضان ءِ رد ءَ گندم ءُ ایندگر ھمروچگیں سامان آنی لوٹ ءُ رسگ ءِ سر ءَ جھلانکیں نگاہ ایر کنگ بہ بیت تانکہ وھد ءُ موہ ءِ سر ءَ پیسلہ کنگ بہ بیت ءُ ملک ءِ کجام ھم بھر ءَ وردن ءُ وراک ءِ رد ءَ کمی ءُ جیڈھ مہ بیت۔ اے ھیالانی درشانی آئی ءَ پنچ شمبے ءِ روچ ءَ بنجاھی وزیر برائے وردن ءُ وراک ءِ رکھینگ سید فخر امام ءَ گوں گند ءُ نند ءِ ساھت ءَ کت۔ گند ءُ نند ءَ گندم ءِ سمگلنگ ءِ گر ءُ دار ، مدگ ءِ ھلاسی ءِ ھوالگ ءَ گامگیج ءُ آیوکیں سال ءِ واستہ جوانیں گندم ءِ پیداوار ءُ جوانیں رون ءِ واستہ جوانیں دان ءِ بست ءُ بند ءِ ھوالگ ءَ شور ءُ مشور آنی سر ءَ ھیال ریچی کنگ بوت۔ آئی ءَ گوشت کہ استیں حکومت کشت ءُ کشاری شوبگ ءَ ٹیکنالوجی ءُ نوکیں کاررپک آنی دیمروئی ءِ واستہ دوستیں ملک چین ءِ تجروبت آں چہ سیت زورگ ءَ انت تانکہ کشت ءُ کشاری شوبگ ءَ را دیمروئی دیگ بہ بیت۔
