مزن وزیر عمران خان ءِ کلانہ ایں عالم ءِ دین مولانا طارق جمیل ءَ گوں تران

اسلام آباد ۔ 16 اپریل (اے پی پی) مزن وزیر عمران خان ءَ گوشت کہ کورونا ءِ ھوپ ءَ گوں گر ءُ چیل بوھگ ءِ واستہ عالم آنی کمک پکار انت، زوت عالم آنی ڈل ءَ گوں گند ءُ نند کن آں۔ اے ھیالانی درشانی آئی ءَ کلانہ دینی عالم مولانا طارق جمیل ءَ گوں پنچ شمبے ءِ روچ ءَ ادا گند ءُ نند کت۔ مزن وزیر ءَ مولانا طارق جمیل ءِ نیمگ ءَ کورونا وائرس ءِ ھلاپ ءَ السی سرپدی کار آناں ساڑات۔ آئی ءَ گوشت کہ کورونا ءِ ھوپ ءَ گوں گر ءُ چیل بوھگ ءِ واستہ عالم آنی کمک پکار انت، زوت عالم آنی ڈل ءَ گوں گند ءُ نند کن آں۔ مزن وزیر ءَ گوشت کہ حکومتی کوشست ءِ مول ءُ مراد الس ءَ را یک انچیں ھوپے ءَ چہ رکھینگی انت ھمائی ءَ کہ سرجمیں دگنیا ءَ را وتی توک ءَ پتاتگ۔ آئی ءَ گوشت کہ عالم آں ھمک سکیں ساھت ءَ حکومت ءِ رھشونی کتگ، ماہ رمضان ءِ رد ءَ عالم آنی گوما شور ءُ مشور ءَ گوں آیوکیں گامگیج رد ءُ بند کنگ بیت۔