سٹیٹ بینک پاکستان ءَ یک ماھے ءِ توک ءَ سیمی رند ءَ سوت ءِ کساس 11 درسد ءَ چہ کم کنان ءَ 9 درسد کتگ، اے گامگیج ءَ چہ ملکی معیشت ءِ سر ءَ جوانیں رند پد سہرا بیت، جاوید آفریدی

اسلام آباد ۔ 16 اپریل (اے پی پی) یو این ایچ سی ار ءِ یوتھ سفیر کلانہ ایں کاروباری شاھوکار جاوید آفریدی ءَ گوشت کہ مرچی سٹیٹ بینک پاکستان ءَ یک ماھے ءِ توک ءَ سیمی رند ءَ سوت ءِ کساس 11 درسد ءَ چہ کم کنان ءَ 9 درسد کتگ انت۔ پنچ شمبے ءِ روچ ءَ چاگردی رابطہ آنی ویب سائٹ ٹویٹر ءِ سر ءَ وتی کلوہ ءِ تہ ءَ گوشت کہ سٹیٹ بینک ءَ اے رد ءَ سوت ءَ را سنگل ڈیجٹ ءِ تہ ءَ آرگ ءِ سوگند سرجم کتگ۔ مزن وزیر پاکستان اے جوانیں کار ءُ الس دوستیں پیسلہ ءِ واستہ توسیت ءِ لائک انت، اے گامگیج ءَ چہ ملکی معیشت ءِ سر ءَ جوانیں رند پد سہرا بیت۔