مزن وزیر عمران خان ءِ کوویڈ 19 ءِ جاور ھال آنی ھوالگ ءَ دیوان ءَ گوں گشتانک

بنجاھی وزیر اسد عمر ءَ نیشنل کمانڈ اینڈ آپریشن سنٹر ءِ دیوان ءِ بابت ءَ بریفنگ دات، ھاسیں کمکار برائے جان سلامتی ڈاکٹر ظفر مرزا ءُ فوکل پرسن برائے کوویڈ 19 ڈاکٹر فیصل ءَ مزن وزیر ءَ را سرجمیں ملک ءَ کورونا وائرس ءِ استیں جاور ھال، ٹریکنگ، ٹیسٹنگ ءُ قرنطینہ ءَ مردم آنی روان دیگ ءِ ھوالگ ءَ گامگیج ءُ ایندگر کار آنی سر ءَ بریفنگ
اسلام آباد ۔ 16 اپریل (اے پی پی) مزن وزیر عمران خان ءَ گوشت کہ حکومت ءَ لس مردم ءِ مشکل آنی سما انت پمشکہ کاروباری چست ءُ ایر آنی موہ داتگ، چاگردی گستائی ءَ را دل یکیمی جوڑ کنگ ھمک مردمے زمہ واری انت ، کررونا وائرس ءِ ھوالگ ءَ راستیں ڈیٹا ءُ مالومداری ءِ سر ءَ ھاسیں دلگوشی دیگ بہ بیت۔ اے ھیالانی درشانی آئی ءَ پنچ شمبے ءِ روچ ءَ وتی سروکی ءَ کوویڈ 19 ءِ جاور ھال آنی ھوالگ ءَ دیوان ءَ گشتانک دیان ءَ کت۔ دیوان ءَ وزیر برائے اقتصادی کار مخدوم خسرو بختیار ، وزیر برائے نیشنل فوڈ سیکورٹی سید فخر امام، وزیر برائے منصوبگ بندی اسد عمر، وزیر ءِ توکی کار اعجاز احمد شاہ، ھاسیں کمکار برائے شنگ کاری ڈاکٹر فردوس عاشق اعوان ، ھاسیں کمکار برائے جان سلامتی ڈاکٹر معید یوسف، مزن وزیر ءِ فوکل پرسن برائے کوویڈ ڈاکٹر فیصل سلطان ءُ ایندگر کلانہ اپسرگ آں بھر زوری کت ۔ بنجاھی وزیر برائے منصوبگ بندی اسد عمر ءَ دیوان ءَ را نیشنل کمانڈ اینڈر آپریشن سنٹر ءِ مرچگیں دیوان ءِ ھوالگ ءَ برینفگ دات۔ ھاسیں کمکار برائے جان سلامتی ڈاکٹر ظفر مرزا ءُ فوکل پرسن برائے کوویڈ ڈاکٹر فیصل ءَ مزن وزیر ءَ را سرجمیں ملک ءَ کورونا وائرس ءِ استیں جاور ھال، ٹریکنگ، ٹیسٹنگ ءُ قرنطینہ ءَ روان دیگ ءِ ھوالگ ءَ گامگیج ءُ ایندگر کار آنی سر ءَ بریفنگ دات۔ چیئرمین این ڈی ایم ءَ کورونا وائرس ءِ گر ءُ دار ءِ ھوالگ ءَ رکھینگی گامگیج ءُ ھاسیں رنگ ءَ ہسپتال آنی تہ ءَ رکھینگی سامان آنی دیگ ءِ بابت ءَ سرجمیں رنگ ءَ سرپد کت۔ چیئرمین این ڈی ایم ءَ گوشت کہ رکھینگی سامان آنی سیمی بھر باندات صوبگ آناں پجاری کنگ بیت۔ دیوان ءَ ماہ ءِ رمضان ءَ ھاسیں بندوبست کنگ ءِ ھوالگ ءَ چار ءُ بچار کنگ بوت۔ مزن وزیر ءَ دیون ءَ گشتانک دیان ءَ گوشت کہ کورونا وائرس ءِ ھوالگ ءَ راستیں ڈیٹا ءِ بنیات آنی پد ءَ گامگیج کنگ بہ بیت۔ آئی ءَ گوشت کہ مرگ ءُ بیرانی ءِ ھوالگ ءَ اے گپ ءِ پکو کنگ بہ بیت کہ کرونا کیس انت یا دگہ سبب ءَ بیران بوتگ۔ مزن وزیر ءَ گوشت کہ لس مردم آنی مشکل آنی رد ءَ حکومت ءَ لستیں کاروباری چست ءُ ایر آنی موہ داتگ بلے اے رد ءَ ضلوری انت کہ ھمک مردم وتی وتی زمہ واری ءَ پیلو بکن انت۔ سوشل ڈسٹنسنگ (چاگردی گستائی) ءَ را المی ءَ مھکم دارگ بہ بیت۔ مزن وزیر ءَ گوشت کہ آ زوت عالم آنی گوما گند ءُ نند کنت تانکہ عالم آنی رھشونی ءَ ماہ ءِ رمضان ءِ ھوالگ ءَ گامگیج جوڑ کنگ بہ بیت۔