احساس ایمرجنسی کیش پروگرام ءِ بابت ءَ الس آناں جوانیں سرپدی کنگ بہ بیت تانکہ گیشاں چہ گیش بزگیں مردم اے پروگرام ءَ چہ سیت مند بوت بکن انت، مزن وزیر عمران خان ءِ ڈاکٹر ثانیہ نشتر ءَ را پنت ءُ شون کت

اسلام آباد ۔ 16اپریل (اے پی پی) مزن وزیر عمران خان ءَ پنت ءُ شون کت کہ احساس ایمرجنسی کیشن پروگرام ءِ بابت ءَ الس آناں جوانیں سرپدی دیگ بہ بیت تانکہ گیشاں چہ گیش گریب اے پروگرام ءَ سیت مند بوت بکن انت۔ اے پنت ءُ شون آئی ءَ ھاسیں کمکار برائے چاگردی رکھینگ ڈاکٹر ثانیہ نشتر ءَ گوں تران کنان ءَ پنت ءُ شون دات انت، آئی ءَ پنچ شمبے ءِ روچ ءَ ادا گوں آئی ءَ گند ءُ نند کت۔ اے موہ ءِ سر ءَ پی ٹی آئی ءِ سروک سینیٹر فیصل جاوید ھم ساڑی ات۔ گند ءُ نند ءَ ڈاکٹر ثانیہ نشتر ءَ مزن وزیر ءَ را احساس ایمرجنسی کیشن پروگرام ءِ گامگیج آنی ھوالگ ءَ سرپد کت ءُ الس ءَ را ریلیف پجاری کنگ ءِ رد ءَ احساس ءِ چیر دستی ءَ ایندگر پروگرام آنی گامگیج آنی سر ءَ گپ ءُ تران کت۔ گند ءُ نند ءَ مزن وزیر ءَ گوشت کہ اسیتں جاور ھال آنی تہ ءَ حکومت ءِ ھاسیں رنگ ءَ ھمزوریں تبک ءِ مردم آناں ریلیف ءِ پجاری ءِ واستہ ھمک رنگیں کوشست کنگ ءَ انت۔ آئی ءَ گوشت کہ آئی ءَ را اے گپ ءِ وشی انت کہ احساس ایمرجنسی کیشن پروگرام سرجمیں رنگ ءَ ساپ ءُ سلہ، میرٹ ءِ سر ءَ کار ءُ کجام ھم سیاسی سیادی ءَ را پشت ایر کنگ ءُ ملک ءِ دور ءُ گستائیں دمگ آنی گریبیں الس آناں ریلیف پجاری کنگ ءَ انت۔ مزن وزیر ءَ پنت ءُ شون کت کہ اے پروگرام ءَ چہ سیت مند بوھگ ءِ واستہ الس ءَ را جوانیں کار رپک ءِ وسیلگ ءَ سرپدی دیگ بہ بیت تانکہ ایش گیشاں چہ گیش بزگر ایشی ءَ سیت زرت بکن انت۔