سرجمیں ملک ءَ کورونا وائرس ءِ کیسز آنی کساس 7025 بوتگ، پنجاب ءَ کورونا وائرس کیس آنی کساس 3276 درستاں چہ گیشتر انت، بنجاھی دارالحکومت ءَ کورونا ءِ مریض آنی کساس 154 ، کورونا وائرس ءَ چہ مرگ ءِ کساس 135 بوتگ، نیشنل کمانڈ اینڈ آپریشن سنٹر

اسلام آباد ۔ 17 اپریل (اے پی پی) نیشنل کمانڈ اینڈ آپریشن سنٹر ءَ سرجمیں ملک ءَ کورونا وائرس ءِ تاجگیں ھساب ءُ داد جاڑی کتگ انت۔ سنٹر ءَ آدینگ ءِ روچ ءَ جاڑی کتگیں ھساب ءُ داد آنی رد ءَ سرجمیں ملک ءَ کورونا وائرس کیس آنی کساس 7 ہزار ءَ چہ گیش ود اتگ ءُ پکوئیں کیس آنی کساس 7025 بوتگ۔ کمانڈ اینڈ آپریشن سنٹر ءِ رد ءَ پنجاپ ءَ کورونا وائرس کیس آنی کساس درستاں چہ گیش 3276 ءَ تاں پج اتگ، سندھ ءَ 2008 کورونا وائرس کیس رپوٹ بوتگ، خیبر پختونخوا ءَ کیس آنی کساس 993 ءُ اسلام آباد ءَ 154 بوتگ انت۔ بلوچستان ءَ 303 گلگت بلتستان ءَ 244 کیس رپورٹ بوتگ۔ آزات کشمیرر ءَ کورونا وائرس کیس آنی کساس 46 انت۔ گوستگیں بیست ءُ چار کلاک آنی تہ ءَ کورونا وائرس ءِ 11 مریض بیران بوتگ انت۔ کورونا وائرس ءَ چہ مرگ آنی کساس154 بوتگ۔ سندھ ءَ 45، پنجاب ءَ 36، کے پی ءِ 45 مریض بیران بوتگ۔ گلگت ءَ 3 ءُ بلوچستان ءَ 5 مریض کورونا ءِ سبب ءَ بیران بوتگ۔ بنجاھی دارالحکومت ءَ کورونا وائرس ءِ یک مریض ءِ بیران بوتگ پاکستان ءَ کلی 44 مریض آنی جاور نہ گیگ انت۔ پاکستان ءَ کورونا وائرس ءِ گیش 120 مریض جان سلامت بوتگ انت۔ گوستگیں بیست ءُ چار کلاک آنی تہ ءَ کلی 6264 مردم آنی ٹیسٹ کنگ بوتگ۔ گوستگیں بیست ءُ چار کلاک آنی تہ ءَ 495 نوکیں کیس رپوٹ بوتگ انت۔