اسلام آباد ۔ 17 اپریل (اے پی پی) مزن وزیر عمران خان ءَ ڈن ملک ءَ نندوکیں پاکستانی کورونا وائرس ءَ چہ بیرانی بوھوکیں مردم آنی ھاترا ڈکھ ءُ اندوھ ءِ درشان کتگ ڈن ملک ئَ نندوکیں پاکستانی آنی وائرس ءِ سبب ءَ بیران بوھگ ءِ پد ءَ سک باز گمیگ ءُ اپسوز آں آئی ءَ گوشت۔ آدینگ ءِ روچ ءَ سوشل میڈیا ءِ سر ءَ وتی کلوہ ءَ مزن وزیر ءَ گوشت کہ پاکستانی کوویڈ 19 ءِ ھلاپ ءَ میاں اوستمانی جگ ءَ ازمت پیلو کنان ءَ بیرانی بوتگ انت، من آوانی گمیگیں ھاندان ءَ گوں یکوئی ءِ درشان ءَ کناں۔ مزن وزیر ءَ ڈن ملک ءَ کورنا وائرس ءَ چہ آماچیں مردم آنی زوت جان سلامت بوھگ ءِ واستہ نیکیں واھگ ءِ درشان کت۔ ءُ گوشت کہ ما دعا ایگ آں کہ آ زوت جان سلامت بہ بنت۔ مزن وزیر ءَ گوشت کہ ما وتی ملک مردم آنان اچبر بے ھیال کت نہ کناں۔ مئے اے پاکستانی مئے لائک ءِ پھر یں مڈی انت ءُ زرّی کمک ملک ءَ روان دیان ءَ اے پاکستانی ملکی دیمروئی ءَ وتی ارزشتی ایں کرد ءَ پیلو کنگ ءَ انت۔
