اسلام آباد ۔ 17 اپریل (اے پی پی) مزن وزیر عمران کان ءَ گوشت کہ حکومت کورونا وائرس ءَ گوں گر ءُ چیل بوھگ ءِ واستہ گامگیج کنگ ءَ انت، کشت ءُ کشار ءِ شوبگگ ءِ بجٹ ءِ سر ءَ ھاسیں دلگوشی دیان ءَ دیمروئی دیگ بیت کنت، پارلیمان ءَ را برجا کنگ المی انت، اے ھیالانی درشانی آئی ءَ اسپیکر راجی اسمبلی اسد قیصر ءَ گوں تران کنان ءَ کت آئی ءَ آدینگ ءِ روچ ءَ ادا آئی ءَ گوں گند ءُ نند کت۔ گند ءُ نند ءِ ساھت ءَ آئی ءَ سیاسی ءُ کرونا ءِ جاور ھال آنی سر ءَ ھیال ریچی ءَ ھوار ملکی معیشت ءِ جیڈھ ءُ حکومتی گامگیج آنی سر ءَ ھیال ریچی کت۔ مزن وزیر ءَ گوشت کہ کشت ءُ کشار ءِ شوبگ ءَ را بجٹ ءَ ھاسیں دلگوشی دیان ءَ دیمروئی دیگ بیت کنت۔ کشت ءُ کشار ءِ شوبگ ءَ جوانیں پالیشی آنی سر ءَ دلگوشی دیگ بوھگ ءَ انت۔ مزن وزیر ءَ ھاسیں کمیٹی برائے کشت ءُ کشار ی دان ءَ چہ سپاررش آناں گوانک جت۔ اسپیکر اسد قیصر ءَ کورونا ءِ ھوالگ ءَ پارلیمانی کمیٹی ءِ شور ءُ مشور آنی ھوالگ ءَ مزن وزیرر ءَ را سرپد کت۔ اے موہ ءِ سر ءَ راجی اسمبلی ءِ ورچوئل دیوان برجم دارگ ءِ ھوالگ ءَ ھیال ریچی کنگ بوت۔ مزن وزیر ءَ گوشت کہ حکومت کورونا ءَ گوں گر ءُ چیل بوھگ ءِ واستہ جوانیں گامگیج چست کنگ ءَ انت۔ مزن وزیر ءَ اسپیکر ءَ را نیک راھ آنی وت مہ وت نزیکی پیداک کنگ ءِ واستہ کوشت آناں ساڑات۔
