کورونا ریلیف ٹائیگر فورس ءَ را آیوکیں ھپتگ ءَ زمہ واری دیگ بیت، ٹائیگر فورس سیاسی نزیکی آں گوں برزترر بہ بنت ءُ کار بکن انت، ایس ایم ایز آناں آسراتی پجار کنگ ءِ واستہ کامیات ورنا پروگرام ءِ چیر دستی ءَ وام آنی کساس ءَ را ودینان ءَ دو کروڑ پنجاھ لکھ کنگ بوتگ، ھاسیں کمکار برائے ورنا آنی کار عثمان ڈار

اسلام آباد ۔ 17 اپریل (اے پی پی) مزن وزیر ءِ ھاسیں کمکار برائے ورنا آنی کار عثمان ڈار ءَ گوشت کہ کرونا ریلیف ٹائیگر فورس ءَ را آیوکیں ھپتگ ءَ وتی زمہ واری دیگ بنت، ٹائیگر فورس سیاسی بندوکی ءَ چہ برز تر بوھان ءَ کار بکن انت، اے سیاست ءِ وھد نہ انت اے وھد یک مشت بوھگ ءُ جاور ھال آنی رد ءَ گہبودی کار آنی پڑ ءَ حکومت ءِ گوما ھمگام بہ بنت، ایس ایم ایز آناں آسراتی پجاری کنگ ءِ واستہ کامیات ورنا پروگرام ءِ چیر دستی ءَ وام آنی کساس ءَ را گیش ودینان ءَ دو کروڑ پنجاھ لکھ کنگ بوتگ۔ اے ھیالانی درشانی آئی ءَ آدینگ ءِ روچ ءَ پریس کانفرنس کنان ءَ کت۔ عثمان ڈار ءَ گوشت کہ کورونا ریلیف ٹائیگر فورس ءِ برجا کنگ ءِ واستہ مزن وزیر کارگس ءَ توامیں صوبائی چیف سیکرٹریز آناں نمدی نبشتہ کتگ۔ مزن وزیر نیمگ ءَ پنت ءُ شون رسگ ءَ پد ٹائیگر فورس ءَ را برجا کنگ بیت، صوبائی حکومت انتظامی کار آناں سرجم کنان ءَ فورس ءَ را اسٹینڈ بائی ءِ سر ءَ ایر بکن انت۔ ٹائیگر فورس ءِ رجسٹریشن ءِ واستہ داتگیں وھد ھلاس بوھگ ءَ چہ پد اے مسل جاڑی کنگ بنت۔ آئی ءَ گوشت کہ کورونا ریلیف ٹائیگر فورس ءِ واستہ 10 لکھ ورنا آنی رجسٹریشن کنگ بوتگ۔ مزن وزیر ءِ سیٹیزن پورٹل ءِ وسیلگ ءَ پنجاپ ءَ چہ 6 لکھ 28 ہزار 475، سندھ ءَ چہ یک لکھ 47 ہزار 66، خیبر پختونخوا ءَ چہ یک لکھ 37 ہزار 189، بلوچستان ءَ چہ 14 ہزار 269، اسلام آباد ءَ چہ 13 ہزار 990، آزات کشمیر ءَ چہ 11 ہزار 556 ءُ گلگت بلتستان ءَ چہ 5 ہزار 951 مردم آں رجسٹریشن کنائینتگ وھدیکہ 50 ہزار ءِ کساس ورنا آں ویب سائٹ ءِ وسیلگ ءَ رجسٹریشن کنائینتگ۔ آئی ءَ گوشت سرجمیں ملک ءَ چہ ڈاکٹرز، انجینئرز، ماسٹر ، وکیل ، ریٹائرڈ اردی اپسرگ ءُ اھوالکار آں اے فورس ءِ تہ وتارا رجسٹریشن کنائینتگ۔ آئی ءَ گوشت کہ آیوکیں ھپتگ ءَ اے فورس کار ءَ بندات کنت انت۔ اولی بھرر ءَ 17 ہزار ءِ کساس ءَ جان سلامتی کارندہ آنی ازمت آں چہ سیت گرگ بیت۔ آئی ءَ گوشت کہ ٹائیگر فورس ءِ واستہ کوڈ آف کنڈکٹ ءِ ٹی او آرز ھم جاڑی کنگ بوتگ۔ عثمان ڈار ءَ گوشت کہ اے فورس راشن ءِ بھر ءُ بانگ کنگ، بزگریں مردم آنی شوہاز، قرنطینہ بنجاھ آنی انتظامی ، ورکرز آنی ٹرانسپورٹیشن ءُ موبیلائیزین ، مزور آنی ڈیٹا جم کنگ ءُ کرونا وائرس ءِ ھلاپ ءَ سرپدی ءِ پجار کنوکیں انتظامی سنٹر آنی چار ءُ تپاس ءَ گرگ انت۔ عثمان ڈار ءَ گوشت کہ منی دمگ ءَ گوں سیادی داروکیں مسلم لیگ (ن) ءِ راجی اسمبلی ءِ باسک ھم گہبودی چست ءُ ایر آنی واستہ ریلیف ٹائیگر ءِ گوما ھمگامی ءَ کار کت کناں۔ آئی ءَ گوشت کہ ورنا آنی ھوالگ ءَ ڈیٹا سیادی داروکیں ادارگ آنی ڈیش بورڈ ءِ سر ءَ ساڑی بنت۔ آئی ئَ گوشت کہ اے ورنا آناں ضلورت ءِ رد ءَ ھیل کاری پجار کنگ بیت۔ یک جستے ءِ پسو ءَ آئی ءَ گوشت کہ ایس ایم ایز ءِ برجائی حکومت ءِ اولی ترجی داتگیں کار ات ءُ اے ھوالگ ءَ گامگیج کنگ ءَ آں۔