نیشنل کمانڈ اینڈ آپریشن سینٹر ءِ کورونا وائرس ءِ ھوالگ ءَ تاجگیں ھساب ءُ داد جاڑی

اسلام آباد ۔ 15 اپریل (اے پی پی) نیشنل کمانڈ اینڈ آپریشن سینٹر ءَ کورنواد وائرس ءِ ھوالگ ءَ تاجگیں ھساب ءُ داد جاڑی کتگ انت۔ چار شمبے ءَ جاڑی کتگیں ھساب ءُ داد آنی رد ءَ سرجمیں ملک ءَ کورونا وائرس ءِ پکوئیں کیس 5988 ءَ تاں پج اتگ انت۔ پاکستان ءَ ایکٹو کیس آنی کساس 4435 ءَ تاں پج اتگ انت۔ گوستگیں 24 کلاک آنی ساھت ءَ 272 نوکیں کیس رپوٹ بوتگ انت۔ پنجاپ ءَ کوروانا وائرس ءِ کیس آنی کساس درستاں چہ گیش 2945 ءَ تاں سر بوتگ ۔ سندھ ءَ 1818 کورونا وائرس ءِ کیس رپوٹ بوتگ، خیبر پختونخوا ءَ کیس آنی کساس 865 ءُ اسلام آباد ءَ 140 بوتگ۔ کمانڈ اینڈ کنٹرول سینٹر ءِ ھساب ءُ کتاب آنی رد ءَ بلوچستان ءَ 240 گلگت بلتستان ءَ 234 کیس رپوٹ بوتگ انت۔ آزات جموں کمشیر ءَ کورونا وائرس کیس ءِ کساس 46 بوتگ۔ ھواریں رنگ ءَ 45 درسد کیس ایندگر ملک آں چہ اتکگ انت۔ 55 درسد ھندی رد ءَ شنگ ءُ تالان بوتگ۔ کورونا وائرس ءِ سبب ءَ بیرانی ءِ کساس 107 ءَ تاں پج اتگ انت۔