اچ حکومت کورونا وڑیں ٹوھیں جیڈھ ءَ گوں دیم پہ دیمی کت نہ کنت، سیر لاپیں مردم کمک ءُ گہبودی ڈل آنی کمک ءَ چہ حکومت سرجمیں ملک ءِ توامیں تبکے مردم آں چہ سر بوھگ ءِ واستہ جزمیگ انت، مزن وزیر عمران خان

اسلام آباد ۔ 15 اپریل (اے پی پی) مزن وزیر عمرا خان ءَ گوشت کہ اچ حکومت ایوک ءَ کورونا ءِ وڑیں ٹوھیں جیڈھ آں گوں دیم پہ دیمی کت نہ کنت۔ سیر لاپیں مردم ءُ گہبودی ڈل آنی جوانیں کمک ءَ چہ حکومت سرجمیں ملک ءِ توامیں تبک ءِ مردم آں تاں پجگ ءِ واستےہ جزمیگ انت۔ اے ھیالانی درشانی آئی ءَ چار شمبے ءِ روچ ءَ سیلانی ویلفئیر ٹرسٹ ءِ ڈل ءَ گوں گند ءُ نند ءِ ساھت ءَ کت۔ گند ءُ نند ءَ ھاسیں کمکار برائے گریبی ءِ ھلاس کنوک ءُ چاگردی رکھینگ ڈاکٹر ثانیہ نشتر ءُ فوکل پرسن برائے پناہ گیر نسیم الرحمان ھم ساڑی ات۔ ڈل ءَ کورونا وائرس ءِ استیں جاور ھال آنی رد ءَ بنجاھی حکومت ھاسیں رنگ ءَ مزن وزیر عمران خان ءِ نیمگ ءَ ھمزوریں تبک ءِ مردم آناں ریلیف پجاری کنگ ءِ کوشت آناں ساڑات ءُ استیں جاور ھال آنی رد ءَ جوڑیشتی ءُ ایندگر جتا جتائیں صنعتی چست ءُ ایر آنی اجازت دیگ ءِ حکومتی پیسلہ آناں ساڑات ءُ گوشت کہ ایشی ءَ چہ کاروباری تبک ءِ مشکل آنی تہ ءَ کمی کئی۔ ڈل ءَ مزن وزیر ءَ را سیلانی ویلفئیر ٹرسٹ ءِ نیمگ ءَ گریب آناں ورگ دیگ ءُ وانگ ءُ زانگ ءَ ھوار ایندگر گہبودی چست ءُ ایر آنی بابت ءَ سرپد کت۔ مزن وزیر ءَ گوشت کہ سیلانی ویلفئیر ٹرسٹ ءِ نیمگ ءَ سرجمیں ملک ءَ 112 لنگر خانہ جوڑ کنگ بوھگ ءَ انت۔ مزن وزیر عمران خان ءَ سیلانی وئیلفر ٹرسٹ ءِ چاگردی ازمت آناں ساڑات ءُ گوشت کہ بنی آدم ءِ ازمت ءِ جوزگ داروکیں مردم آں مدام دلیری ءَ گوں باج برئی کتگ۔ آئی ءَ گوشت کہ سیر لاپیں ءُ گہبودی ڈل آنی سرجمیں کمک ءَ چہ حکومت سرجمیں ملک ءِ توامیں تبک ءَ تاں وتارا سر کنگ ءِ واستہ جزمیگ انت۔