اسلام آباد ۔ 14 اپریل (اے پی پی) پاکستان علماء کونسل ءِ چیئرمین حافظ محمد طاہر اشرفی ءَ گشتگ کہ براتیں اسلامی ملک آں گوں دزبندی کناں کہ آ پاکستانی بیپار ءُ ملازم آنی گوں رعایت بہ کن اَنت ءُ آیاں کارءُ روزگاراں چہ درمکن اَنت۔ سے شمبے ءِ روچءَ جاری بیان ءَ حافظ محمد طاہر محموداشرفی ءَ گشتگ کہ ہوپ ءِ سوبءَ سرجمیں دنیاءَ اقتصادی ءُ معاشی جیڑہ ءُ …
براتیں اسلامی عرب ملک پاکستانی آں روزگاراں چہ درمکن اَنت، حافظ محمد طاہر اشرفی
گیشتریں ھال
اسلام آباد ۔ 14 اپریل (اے پی پی) پاکستان علماء کونسل ءِ چیئرمین حافظ محمد طاہر اشرفی ءَ گشتگ کہ براتیں اسلامی ملک آں گوں دزبندی کناں کہ آ پاکستانی بیپار ءُ ملازم آنی گوں رعایت بہ کن اَنت ءُ آیاں کارءُ روزگاراں چہ درمکن اَنت۔ سے شمبے ءِ روچءَ جاری بیان ءَ حافظ محمد طاہر محموداشرفی ءَ گشتگ کہ ہوپ ءِ سوبءَ سرجمیں دنیاءَ اقتصادی ءُ معاشی جیڑہ ءُ جنجال ودی بوتگ اَنت، پاکستان ءِ 40لکھ مردم عرب اسلامی ملک آں کارءُ روزگارکنگءَ اَنت، اے جنجالیں وہداں بازیں ہند ءُ جاہاں پاکستانی ءُ ڈنی کاردرانی کارءُ روزگار ہلاس کنگ بوہگءَ اِنت کہ ایشیءَ چہ پاکستان ءَ ہوار سرجمیں دنیاءَ معاشی جیڑہ ءُ جنجال دیما پیداک اَنت۔ آئیءَ گشتگ کہ پاکستان علماء کونسل عرب اسلامی ملک آنی سروک ءُ بیپاراں گوں دزبندی کنت کہ آ اے گرانیں وہد ءَ گوں ملازم آں حیر بہ کن اَنت ءُ وتی ملازم آں چہ کاراں درکنگ ءِ بدل ءِ انچیں راھبند جوڑ بہ کن اَنت کہ کس بے روزگار مہ بیت۔ آئیءَ گشتگ کہ سعودی عرب ءِ فرمانروا شاہ سلمان بن عبدالعزیز، متحدہ عرب امارات ءِ سروک خلیفہ بن زید الرنہیان، ولی عہد ابوظہبی شیخ محمد بن زید ءَ گوں دزبندی کتگ کہ آ سعودی عرب ءُ متحدہ عرب امارات ءَ ملازمت کنوکیں پاکستانی آنی ھاترءَ ہمدردی ءِ جزبگ ءِ ردءَ حاسیں پیکیج ءِ جار ءَ بجنت ءُ پاکستانی آں بازیں کمپنی ءُ صنعت آں چہ درکنگ بوتگ آ پدا کارءُ روزگارانی سرءَ کنگ بہ بنت۔
