اسلام آباد ۔ 14 اپریل (اے پی پی) پاکستان ءُ چین ءِ سیادی یک رندے پدا سکیں وہداں چکاسگ بوتگ ،وہدے دنیا کورونا وائرس (کویڈ19) ءِ دیمپانی ءَ کنگ بوتگ ہمے وہدءَ چین ءَ ووہان ءَ پاکستان نودربرانی گہتریں چارءُ گزار کتگ ءُ پاکستان ءَ کورونا وائرس ءَ را گرءُ دار کنگ ءِ ھاترءَ اشتاپی بنیاتاں المی طبی کمک ءُ وتی ڈاکٹرءُ زانتکارانی ٹیم پاکستان ءَ دیم داتگ۔ نیشنل کمانڈاینڈ آپریشن سینٹر ءِ ردءَ چینی زانتکار(ڈاکٹرآنی ) یک ٹیمے ءَ کہ آیاں کورونا وائرس ءِ حلاپ ءَ جنگءَ باج بُرتگ، وتی تجروبتانی شنگ کنگ ءِ ھاترءَ پاکستانءَ اَنت۔ چ ڈاکٹر ءُ زانتکارانی ٹیم ءَ اسلام آباد، راولپنڈی، کراچی ، لاہور ءُ کے پی ءَ ڈاکٹر، مزنیں حکومتی واک دار ءُ جانءُ سلامتی ءِ حکام ءَ گوں گندکتگ۔ کورونا وائرس ءِ گرءُ دار ءُ رکینگ ءِ ھاترءَ چین ءَ تاں انوپاکستان ءَ را 529924این 95ماسک،3ے3744رکنیگی پوشاک، 10ہزارلیٹرسینیائٹرز ءُ 1442سیر رکینگی سامان جوڑ کنگءِ سامان وہدے کہ گلگت بلتستان ءِ ھاترءَ طبی سامان ءَ 5وینٹیلیٹر،2لاکھ ماسک، 2ہزاراین 95اسک ، 2 ہزار ٹیسٹنگ کٹ، 2ہزار رکینگی پوشاک ہواربوتگ اَنت۔ گلگت بلتستان ءِ ھاترءَ آیوکیں اے سامان ہیلی کاپٹراں چہ گلگت بلتستان ءِ بازیں ہندجاہ آں سرکنگ بوتگ اَنت۔
