اسلام آباد ۔ 14 اپریل (اے پی پی) نیشنل کمانڈ اینڈ آپریشن سینٹر ءَ کورونا وائرس ءِ انوگیں جاورھالال ءُ اے ہوپ ءَ را گرءُ دار کنگ ءِ ھاترءَ چست کتگیں گامگیجانی سرءَ سے شمبےءِ روچءَ سرجمیں شونست دیئگ بوتگ۔ این سی او سی ءِ گشگءِ ردءَ بنجاہی وزیر اسد عمر ءِ سروکیءَ دیوان برجم دارگ بوتگ۔ فورم ءَ تاں انوگیں کتگیں کارءُ آیوکیں وہدءَ کنوکانی کارانی سرءَ چارءُ تپاسی کتگ۔ آزاد جموںءُ کشمیر ءِ مزن وزیر، سندھ ءِ سروزیر ، بلوچستان ، گلگت بلتستان، پنجاپ ءِ چیف سیکرٹری ءُ خیبرپختونخواویڈیو لنک ءِ وسیلگءَ ہوار بوتگ اَنت۔ فورم ءَ 14اپریل کوویڈ19گامگیجاں پدگڑی فیصلہ کنگ ءِ ھاترءَ راجی رابطہ کمیٹی ( این سی سی ) ءَ پیش کتگیں سفارشاتءَ را گڑی دروشم داتگ۔ درائیں اسٹیک ہولڈرآں اے کارانی سرءَ سرجمیں چارءُ بچار ءَ پد گامگیجاں گڑی دروشم داتگ۔ تہی کارانی بنجاہی وزیر بریگیڈیئر(ر) اعجاز احمد شاہ، صنعت ءُ پیداوار ءِبنجاہی وزیر محمد حماد اظہر، توانائی ءِ بنجاہی وزیر عمر ایوب خان ، اقتصادی کارانی بنجاہی وزیر خسروبختیار، وردنءُ وراک ءِ بنجاہی وزیر فخرامام،مزن وزیر ءِ راجی سلامتی ءِ پڑءِ حاسیں کمک کار معید یوسف، جانءُ سلامتیءِ حاسیں کمک کار ڈاکٹر ظفر مرزا ءُ بیپاری ءِ حاسیں کمک کار عبدالرزاق داؤد شونستءَ ہوار بوتگ اَنت۔
