اسلام آباد ۔ 14 اپریل (اے پی پی) مزن وزیر ءِ ھاسیں کمکار برائے چاگردی رکھگ ءُ ھلاسی غربت ڈاکٹر ثانیہ نشتر ءَ گوشت کہ احساس ایمرجنسی کیش پروگرام ءِ ردا اناگتیں وڈءَ کلدارانی بھرءُ بانگ ءِ تہ کورونا چہ رکھگ ءِ ھاترا سکیں گام چست کنگ بوتگ ات۔وتی یک بیان ءِ تہ آہاں گوشت کہ پے منٹ سینٹرسرا کورونا چہ رکھگ ءِ ھاترا پروٹیکشن راھبندانی سرا وڈءُ پیم کنگ بوھگ انت، پیمنٹ سینٹرز ءِ سرا اے درگت ءَ سیناٹائزر ایر کنگ بوتگ انت وھدیکہ معذورءُ پیروک ءِ مردمانی ھاترا ھم ھاسیں گام چست کنگ بوتگ انت،لہتیں سینٹرزءِ تہ سپرے والی واک تھرو گیٹ ھم جنئگ بوتگ ات ءُ معذوریں مردمانی کر ءَ شت آہانی بائیو میٹرک کنگ بوھگ انت۔17,000 احساس کیش بھرءُ بانگ ءِ سینٹرز سرجمیں ملک ءِ تہ ہڈ کنگ بنت ایشانی تہ 9,419 ہڈ دیگ بوتگ انت۔رش ءَ چہ رکھگ ءِ ھاترا کاونٹرزءِ کساس ءَ ودکی کنگ بوھگ انت۔ احساس ٹال فری ہیلپ لائن 0800-26477 ءَ را شکاست سر بوھگ ءِ ھاترا ایر کنگ بوتگ انت ایشی ءِ تہ ڈیلی ءِ بنیات ءَ 1500 شکایات ءَ را چارگ بوھگ انت۔پدر بہ بیت کہ پروگرام ءِ ردا یک کروڑ 20 لکھ ھاندانانی تہ 12000 کلدار بھرءُ بانگ کنگ بوھگ انت۔پروگرام ءِ ھاترا 144 ارب کلدار ایر کنگ بوتگ انت ءُ اے پاکستان ءِ راج دپتر ءِ درستاں چہ مستریں ریلیف پیکیج انت۔
