صدر مملکت ڈاکٹر عارف علوی روچہ ٹی مسیت آتے ٹی جماعت وترابیح نا نماز نا بابت سلاہ و سوج آتا تیاری کن غٹ صوبہ غاتا گورنرز و عالم دین تا دیوان اس 18اپریل آ بٹنگا

اسلام آباد۔ 14اپریل (اے پی پی) صدر مملکت ڈاکٹر عارف علوی روچہ ٹی مسیت آتے ٹی جماعت و ترابیح نانماز نا بابت سلاہ و سوج آتا تیاری کن غٹ صوبہ غاتا گورنرز و عالم دین تا دیوان اس 18اپریل آ بٹنگانے۔ دافیصلہ ءِ سے شنبے نادے آ ایوان صدر اٹی اسہ دیوان اسے ٹی کننگا ہراٹی وزیر داخلہ بریگیڈیئر (ر) اعجاز احمد شاہ، بنجائی وزیر مذہبی امور بین المذاہب ہم آہنگی پیر نورالحق قادری ئسک بشخ ہلکر۔ دیوان اٹی امنا کننگاکہ صدر مملکت غٹ صوبہ غاتا گورنرز ، آزاد جموں و کشمیر نا صدر و عالم دین آتون ویڈیو کانفرنس کیک و کورونادین انا ساڑی آ حالیت آتارداٹ اوفتیان نماز ترابیح نا بابت راہشون اصول و سلاہ و سوج آتیا سلابت کیک۔ عالم دین تا سلاہ و سوج آتیان حکومت ءِ جامع پالیسی اس جوڑ کننگ اٹ کمک رسینگک۔ دیوان اٹی خلقت آن خواست کننگاکہ او راجی فلاح و بہبود اٹ کمکاری کن زکواۃ و خیرات ایتر ہراکہ دا مقدس انگا تُو اٹی مسیت و مدرسہ غاتا کمک اٹ تننگک۔