ڈنی ملک ءَ نندوکیں پاکستانی کورونا وائرس ءِ ردءَ ودی بوتگیں جاورھالاں گرءُ دار کنگءِ ھاترءَ مزن وزیر ریلیف فنڈءَ کمک بہ کن اَنت، مزن وزیر عمران خان ءِ ڈنی ملک ءَ نندوکیں پاکستانی آنی نامءَ ویڈیو کلوہ

اسلام آباد ۔ 13 اپریل (اے پی پی) مزن وزیر عمران خان ءَ گشتگ کہ ڈنی ملکءَ نندوکیں پاکستانی کورونا ءِ ردءَ ودی بوتگیں جاورھالاں گرءُ دار کنگءِ ھاترءَ مزن وزیر ریلیف فنڈءَ کمک بدے اَنت، لاک ڈاؤن ءِ سوبءَ نیزگاری گیش بوہان اِںت، انشاءاللہ ما کورونا ءَ را گرءُ دار کنگءَ سوبمند بں۔ اے ھیالانی درشانی آئی ءَ دوشمبےءِ روچءَ ڈنی ملک ءَ نندوکیں پاکستانی آنی نام ءَ وتی ویڈیو کلوہ ءَ کتگ۔ مزن وزیر ءَ گشتگ کہ اے وہدءَ پاکستان ءَ ہوار سرجمیں دنیاکورونا ءِ ہوپ ءِ دیمپانی ءَ کنگءَ اِنت۔ لاک ڈاؤن ءِ سوب ءَ جاورھال ناگیگ اَنت۔ پاکستان ءَ ہوار سرجمیں دنیا ءَ نیزگاری گیش بوہگءَ اِںت۔ آئیءَ گشتگ کہ امریکہ ءَ وتی 30 کروڑ آباتی ءَ را ریلیف دیئگ ءِ ھاترءَ 2200ارب ڈالر، جرمنی ءُ جاپان ءَ یک یک ہزار ارب ڈالر ءَ چہ گیش ءِ زر داتگ وہدے کہ ما وتی ملکءِ 22کروڑ آباتی ءِ ھاترءَ 8 ارب ڈالر ءِ پیکیج داتگ۔ آئی ءَ گشتگ کہ ڈنی ملک ءَ نندوکیں درائیں پاکستانی مزن وزیر ریلیف فنڈ ءَ کمک بہ کن اَنت۔ شمے کمک ءَ چہ انشاء اللہ ما کورونا وائرس ءَ را گرءُدار کنگءَ سوبمند بں۔