مزن وزیر عمران خان ءِ گوما ھزانگ ءِ صلہ کار ڈاکٹر عبدالحفیظ شیخ ءِ گند ءُ نند،احساس ایمرجنسی کیش پروگرام ءِ سرا ھیال ریچی

اسلام آباد۔ 12 اپریل (اے پی پی)مزن وزیر عمران خان ءِ گوما ھزانگءِ صلہ کار ڈاکٹر عبدالحفیظ شیخ ءَ گند ءُ نند کتگءُ آئی ءَ را بزنس کمیونٹی ءِ ھاترا معاشی پیکج ءُ احساس کیش ٹرانسفر پروگرام ءِ ھوار دگہ معاملہانی سرا بریفنگ داتگ۔یک شمبے ءَ مزن وزیر کارگس ءِ میڈیا ونگ ءِ نیمگا چہ جاڑی کتگیں بیان ءِ ردا گند ءُ نندءِ تہ ھزانگ صلہ کارءَ مزن وزیر ءَ را مچ ءِ معاشی پیکج ءِ سرا دیمروئی ءَ چہ سرپد کتگ،ایشی ءِ جار حکومت ءَ بزنس کمیونٹی ،ایس ایم ایزءُ مہلوک ءِ کمک ءِ ھاترا کتگ انت،ایشی ءِ تہ ھاسیں وڈءَ وامانی التوا،نوکیں وامانی سرا سبسڈی ءِ پھجارگ،ٹیکس ریفنڈ ءِ وسیلگ ءَ کیش کلدارءِ ٹرانسفر،چاگردی رکھگ ءِ احساس کیش ٹرانسفر پروگرام ءِ سرا ھاسیں دلگوشی دیگ بیت۔