مزن وزیر عمران خان ءِ ھاسیں صلہ کار برائے ھالرسانی ءُ شنگکاری ڈاکٹر فردوس عاشق اعوان ءِ سیالکوٹ ءِ تہ میڈیا ءَ گوں گپ ءُ تران

سیالکوٹ ۔ 12 اپریل (اے پی پی) مزن وزیر ءِ ھاسیں کمکار برائے ھالرسانی ءُ شنگکاری ڈاکٹر فردوس عاشق اعوان ءَ سیالکوٹ ءِ تہ میڈیا ءَ گوں گپ ءُ تران کنان ءَ گوشت کہ حکومت ءَ ملکی راج دپترءِ درستاں چہ مستریں ایمرجنسی کیش پروگرام بندات کتگ انت،حق داراں را آہانی حق ءِ پھجارگ حکومت ءِ اولی دلگوشی انت۔سرجمین ملک ءِ تہ 13لکھ 80ہزار خانداناں را 16ارب کلدار ءَ چہ گیش بھرءُ بانگ کتگ ات۔اے موہ ءِ سرا آہاں مسیحی براتری ءَ را یسٹر ءِ مرادبات داتگ ءُ گوشت کہ کورونا وائرس ءِ سبب ءَ چہ ایسٹر ءِ ائید سادگی ءَ گوں گوازن انت۔دراھیں عبادت جاہانی تہ ملکی دیمروئی ءِ ھوار کورونا ءِ ھلاسی ءِ ھاترا دعا کنگ بوھگ انت،آہاں گوشت کہ ملک ءِ دیمروئی ءُ وشھالی ءِ تہ اقلیتانی کرد ستا ءِ لائق انت،ڈاکٹر فردوس عاشق اعوانءَ گیش گوشت کہ حقداراں را زرانی پھجارگ احساس پروگرام ءِ ھاسیں جز انت،زرانی پھجارگ ءِ تہ ہچ وڈءِ سیاسی عمل دخل نیست انت۔ھاسیں کمکارءَ گیش گوشت کہ سیالکوٹ ءِ تہ حقدارانی تہ 40کروڑ کلدار بھرءُ بانگ کتگ ات ءُ گوشت کہ سرجمیں ملک ءِ تہ 32817ھاندان پروگرام چہ نپ چست کن انت۔آہانی گوشگ ات کہ زرانی پھجارگ ءِ تہ ساپ ءُ پلگاری ءِ سرا ہچ سمجھوتہ کنگ مہ بیت۔۔پروگرامءِ تہ کرپشن ءِ کوشست کنوکیں 40مردمانی ھلاپ ءَ کیس کنگ بوتگ انت۔اے پروگرام ءِ مکسد حقدارءُ نزورءِ تبکاں را رکھگی انت ءُ گوشت کہ مزن وزیر ءَ حقدارانی ھاترا وزارت انفارمیشن ٹیکنالوجی ءَ را کڈنی جاڑی کتگ ات۔نوں بائیو میٹرک ءِ ھوار دروشم ءِ پجار ءِ پیسلہ ھم کنگ بوتگ انت،ای گورننس ءِ وسیلگ ءَ ساپ ءُ پلگاری ءَ را سدکی جوڈ کنگ ءَ کمک رسیت۔ ھاسیں کمکار ءَ گوشت کہ آوکیں بھرءِ تہ ڈیلی ویجز پورھیاگرءُ فیکٹری ورکرز ءِ ھاترا گامگیج کنگ بنت۔مارا وتی وسیلگ ءَ را دیما ایر کنان ءَ پیسلہ کنگ بنت،آہاں گوشت کہ کورونا وائرس ءِ گرودارءِ ھاترا بنجاہی حکومت صوبگءَ گوں سرجم کمک کنگ انت۔