لاک ڈاون ءِ شریں تب دیما آھگ انت ءُ کورونا وائرس ءِ نادراہانی کساس گیش بوھگ ءِ ہمہ ھساب جنئگ بوتگ ات ایشی ءَ چہ کم انت،ملک مستر ڈاکٹر عارف علوی

اسلام آباد۔ 12 اپریل (اے پی پی) صدر مملکت ڈاکٹر عارف علوی ءَعلماءکرام ءُ مہلوک ءِ کمک ءَ را ساڑان ءَ گوشت کہ لاک ڈاون ءِ شریں آسردیما آھگ انت کورونا وائرس ءِ نادراہانی کساس گیش بوھگ ءِ ہمہ ھساب کہ مہ جتگ ات آئی ءَ چہ نادراہ کم دیما اتکگ انت۔مقدس ماہ رمضان ءِ آمد آمد انت ماہ مقدسہ ءِ تہ ھم چاگردی دوری ءَ را برجاہ دارگ ءِ ضلورت انت۔گلگت بلتستان ءِ تہ یوٹیلٹی سٹورزءِ سامان ءِ سپلائی ءِ وت مانیٹرگ کنانءُ ہمگرنچیں ادارگہاں چہ یوٹیلٹی اسٹورز ءَ را سامان ءِپھجارگ سدکی جوڈ کنگ بیت۔یک شمبے ءَ صدر مملکت ڈاکٹر عارف علوی یک روچی تروتاب ءِ سرا گلگت ءَ سر بوتگ ات،گورنر گلگت بلتستان راجہ جلال حسین مقپون‘ ھاسیں کمکار صحت ڈاکٹر ظفر مرزا‘ وزیر اعظمءِ ھاسین صلہ کارعثمان ڈار ءُ چیئر مین این ڈی ایم اے لیفٹننٹ جنرل محمدافضل ھم ہمبراہ اتنت۔ گلگت ائرپورٹ سرا سر وزیر گلگت بلتستان حافظ حفیظ الرحمان‘ چیف سیکریٹری ءُ فورس کمانڈر ءِ ھوار دگہ مزن تکی واکداراں ملک ءِ صدرءَ را وش اتکگ کتگ۔صدر مملکت ڈاکٹر عارف علوی ءَ گلگت ءِ تہ کرونا وائرس ءِ تہ استیں جاورھال ءِ درگت ءَ برجمیں دیوان ءَ گوں تران کنان ءَ گلگت بلتستان حکومت ءُ انتظامیہ ءِ کرونا وائرس ءِ ھلاپ ءَ گام گیج ءِ سرامبار کباد پیش کتگ کہ حکومت ءُانتظامیہ ءِ محنت ءِ آسر انت کہ گلگت بلتستان ءِ تہ کورونا وائرس ءِ 216 نادراہ ءَ چہ ایوکا67 نادراھ بچ اتگ انت۔باقی دومی جان دراھ بوتگ انت۔آہاں گوشت کہ این ڈی ایم اے ءِ نیمگا چہ 15 ہزار ٹیسٹنگ کٹس پھجارگ بوتگ انت ءُ نادراہ جاہاں را دگہ سامان ھم پھجارگ بوھگ انت۔گورنر راجہ جلال حسین مقپون ءُ سر وزیرحافظ حفیظ الرحمان ءَ ھم تران کتگ وھدیکہ چیف سیکریٹری گلگت بلتستان خرم آغا ءَ گلگت بلتستان ءِ تہ کرونا وائرسءِ نادراہانی ءُ انتظامیہ ءِ باروا سرجمیں سرپدی داتگ۔